ಜಿರಳೆಗೆ ಶಸ್ತ್ರಚಿಕಿತ್ಸೆ ಮೂಲಕ ಹೆರಿಗೆ!

ಮಾಸ್ಕೋ: ರಷ್ಯಾದ ಸೈಬೀರಿಯಾ ಪ್ರಾಂತ್ಯದ ಕ್ರಾಸ್ನೋಯಾಸ್ಕ್ನಲ್ಲಿ ಪ್ರಸವ ವೇದನೆಯಿಂದ ನರಳುತ್ತಿದ್ದ ಜಿರಳೆಯೊಂದಕ್ಕೆ ಅಲ್ಲಿನ ಪಶುವೈದ್ಯರು ಶಸ್ತ್ರಚಿಕಿತ್ಸೆ ನಡೆಸಿ ಸರಾಗ ಹೆರಿಗೆ ಮಾಡಿಸಿದ್ದಾರೆ!

ದಕ್ಷಿಣ ಅಮೆರಿಕದ ಅರಣ್ಯಗಳಲ್ಲಿ ಕಂಡು ಬರುವ, ಸುಮಾರು 8 ಸೆಂ.ಮೀ. ವರೆಗೆ ಬೆಳೆ ಯಬಲ್ಲ ಈ ಜಿರಳೆಯನ್ನು ಕ್ರಾಸ್ನೋಯಾಸ್ಕ್ ನಗರದ ವ್ಯಕ್ತಿಯೊಬ್ಬರು ತಂದು, ಅದಕ್ಕೆ “ಆರ್ಚಿಮ್ಯಾಂಡ್ರಿಟಾ’ ಎಂದು ಹೆಸರಿಟ್ಟಿದ್ದರು. ಇತ್ತೀಚೆಗೆ ಗರ್ಭಿಣಿಯಾಗಿದ್ದ ಆದರ ಆರೈಕೆ ಮಾಡುತ್ತಿದ್ದ ಮಾಲಕರಿಗೆ ಅದೊಂದು ದಿನ ಅದು ಪ್ರಸವ ಸಂಕಷ್ಟ ಅನುಭವಿಸುತ್ತಿರುವುದು ಕಂಡುಬಂತು. ತಕ್ಷಣವೇ ಅದನ್ನು ನಗರದ ಪಶುವೈದ್ಯಕೀಯ ಆಸ್ಪತ್ರೆಗೆ ಕೊಂಡೊಯ್ದಿದ್ದರು.

ವೈದ್ಯರ ಪರೀಕ್ಷೆಯ ವೇಳೆ ಅದರ ಹೊಟ್ಟೆ ಯಲ್ಲಿದ್ದ ಮೊಟ್ಟೆಗಳ ಚೀಲ, ತನ್ನಲ್ಲಿನ ಮೊಟ್ಟೆ ಗಳನ್ನು ಆಚೆ ಬರಲು ಬಿಡದಂತೆ ಅಡ್ಡವಾಗಿದ್ದಿದ್ದು ಗಮನಕ್ಕೆ ಬಂತು. ಹೀಗಾಗಿ, ಶಸ್ತ್ರಚಿಕಿತ್ಸೆ ಮೂಲಕ ಅದನ್ನು ಹೊರತಗೆಯಲು ನಿರ್ಧರಿಸಿದ ವೈದ್ಯರು, ಜಿರಳೆಗೆ ಒಂದು ಪುಟ್ಟ ಇಂಜೆಕ್ಷನ್‌ ಹಾಗೂ ಅನಿಲ ವಿಧಾನಗಳ ಮೂಲಕ ತಾತ್ಕಾಲಿಕ ಅರಿವಳಿಕೆ ನೀಡಿ ಇಡೀ ಚೀಲವನ್ನು ಹೊರತೆಗೆ ದರು. ಈಗ, ತಾಯಿ ಮತ್ತು ಅದರ ಮೊಟ್ಟೆಗಳು ಕ್ಷೇಮವಾಗಿವೆ ಎಂದಿರುವ ವೈದ್ಯರು ಶಸ್ತ್ರ ಚಿಕಿತ್ಸೆಯ ವೀಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ.