ರಷ್ಯಾದ “ಸುಯೆಜ್‌’ರಾಕೆಟ್‌ ಉಡಾವಣೆ ಮುಂದೂಡಿಕೆ

ಇದೇ ತಿಂಗಳ ಅಂತ್ಯಕ್ಕೆ ಉಡಾವಣೆಯಾಗಬೇಕಿದ್ದ ರಷ್ಯಾದ ಸುಯೆಜ್‌ ರಾಕೆಟ್‌ ಉಡಾವಣೆ ಮುಂದೂಡಲಾಗಿದೆ ಎಂದು ರಷ್ಯಾದ ಬಾಹ್ಯಾಕಾಶ ಅಧ್ಯಯನ ಸಂಸ್ಥೆ ರಾಸ್ಕೋಮಸ್‌ ಹೇಳಿದೆ.

ಇದಷ್ಟೇ ಅಲ್ಲದೆ, ಐರೋಪ್ಯ ಒಕ್ಕೂಟದ ಸಹಭಾಗಿತ್ವದೊಂದಿಗೆ ರಷ್ಯಾ ಕೈಗೊಳ್ಳಬೇಕಿದ್ದ ಎಲ್ಲಾ ರೀತಿಯ ಬಾಹ್ಯಾಕಾಶ ಚಟುವಟಿಕೆಗಳನ್ನು, ಯೋಜನೆಗಳನ್ನು ಮುಂದೂಡಿರುವುದಾಗಿ ಸಂಸ್ಥೆ ಪ್ರಕಟಿಸಿದೆ.

ಇದೇ ತಿಂಗಳ 10ರಂದು, ಸುಯೆಜ್‌ ಹೆಸರಿನ ಬೇರೊಂದು ರಾಕೆಟ್‌ ಉಡಾವಣೆಯಾಗಿತ್ತು. ಇಂಟರ್ನೆಟ್‌ ಸೇವೆಗಳಿಗೆ ಅನುಕೂಲ ಕಲ್ಪಿಸುವ, ಒನ್‌ವೆಬ್‌ ಸಂಸ್ಥೆಯ 34 ಪುಟ್ಟ ಉಪಗ್ರಹಗಳನ್ನು ಹೊತ್ತುಕೊಂಡು ಸುಯೆಜ್‌ ಬಾಹ್ಯಾಕಾಶದತ್ತ ಯಶಸ್ವಿ ಪ್ರಯಾಣ ಬೆಳೆಸಿತ್ತು.