Advertisement
ನವೀಕರಿಸಬಹುದಾದ ಶಕ್ತಿ (ರಿನಿವೇಬಲ್‌ ಎನರ್ಜಿ), ಜಿಯೋ ಇನ್ಫ್ರಾರ್ಮೆಟಿಕ್‌ ಹಾಗೂ ಕೋ-ಆಪರೇಟಿವ್‌ ಮ್ಯಾನೇಜ್‌ಮೆಂಟ್‌ ಎಂಬ ಪಿಜಿ ಡಿಪ್ಲೋಮಾ ಕೋರ್ಸ್‌ ಪರಿಚಯಿಸಲು ಸಿದ್ಧತೆ ನಡೆದಿದೆ. ಕೊರೊನಾದಿಂದಾಗಿ ಜನರ ಜೀವನದಲ್ಲಿ ಭಾರೀ ಬದಲಾವಣೆ ಆಗಿದೆ. ದಶಕಗಳಿಂದ ಪಟ್ಟಣದಲ್ಲಿ ನೆಲೆ ಕಂಡವರೂ ಇದೀಗ ಹಳ್ಳಿ ಜೀವನವೇ ಲೇಸು ಎನ್ನುವಂತಾಗಿದೆ. ಕೋವಿಡ್ ಸೋಂಕಿನ ಪ್ರಭಾವ ತಗ್ಗಿದ ನಂತರವೂ ಹಳ್ಳಿಯಲ್ಲೇ ನೆಲೆಸಲು ಒಲವು ತೋರುತ್ತಿರುವವರ ಸಂಖ್ಯೆಯೂ ಕಡಿಮೆ ಇಲ್ಲ. ಅಂತಹ ವಿದ್ಯಾವಂತ ಯುವಸಮೂಹಕ್ಕೆ, ಉದ್ಯೋಗಸ್ಥರಿಗೆ ಕೋರ್ಸ್‌ಗಳಿಂದ ಅನುಕೂಲವಾಗಲಿದೆ ಎಂಬುದು ವಿವಿ ಅಭಿಪ್ರಾಯ.
Related Articles
Advertisement
ಕೋ-ಆಪರೇಟಿವ್‌ ಮ್ಯಾನೇಜ್‌ಮೆಂಟ್‌: ಸಹಕಾರ ಕ್ಷೇತ್ರದ ತೊಟ್ಟಿಲು ಎನ್ನಲಾಗುವ ಗದಗ ಜಿಲ್ಲೆಯಲ್ಲಿ ಡಿಪ್ಲೋಮಾ ಇನ್‌ ಕೋ-ಆಪರೇಟಿವ್‌ ಮ್ಯಾನೇಜ್‌ ಮೆಂಟ್‌ ಕೋರ್ಸ್‌ ಆರಂಭಿಸುವ ಮೂಲಕ ಈ ಕ್ಷೇತ್ರದಲ್ಲಿ ಉದ್ಯೋಗ ಮತ್ತು ಬಡ್ತಿ ನಿರೀಕ್ಷೆಯಲ್ಲಿರುವವರಿಗೆ ಭರವಸೆ ಮೂಡಿಸಿದೆ. ರಾಜ್ಯದ ಒಂದೆರಡು ವಿವಿಯಲ್ಲಿ ಕೋ-ಆಪ್‌ರೇಟಿವ್‌ ವಿಷಯವಾಗಿ ಪದವಿಗಳಿದ್ದರೂ, ಸರ್ಕಾರಿ ನೇಮಕಾತಿಗೆ ಪರಿಗಣನೆಗೆ ಬರುತ್ತಿಲ್ಲ. ಯುಜಿಸಿ ಅಂಗೀಕೃತ ವಿವಿಯಲ್ಲೇ ಕೋ-ಆಪರೇಟಿವ್‌ ಮ್ಯಾನೇಜ್‌ ಮೆಂಟ್‌ ಕೋರ್ಸ್‌ ಆರಂಭಿಸುತ್ತಿರುವುದರಿಂದ ವಿವಿಧ ಸಹಕಾರ ಬ್ಯಾಂಕ್‌ಗಳ ನೌಕರರು, ಉದ್ಯೋಗಾಕಾಂಕ್ಷಿಗಳಿಗೆ ಇದು ಉಪಯುಕ್ತವಾಗಲಿದೆ.
ಒಟ್ಟಾರೆ ಈ ಎಲ್ಲ ಕೋರ್ಸ್‌ಗಳು ಗ್ರಾಮೀಣ ಬೇರು, ಜಾಗತಿಕ ಮೇರು ಬೆಸೆಯುವ ಕೊಂಡಿಗಳಂತಿವೆ. ಇದರಿಂದ ಯುವ ಸಮೂಹಕ್ಕೆ ಹೆಚ್ಚಿನ ಅನುಕೂಲವಾಗುವುದರೊಂದಿಗೆ ಗ್ರಾಮೀಣಾಭಿವೃದ್ಧಿ ಪರಿಕಲ್ಪನೆಗೆ ಮತ್ತಷ್ಟು ಬಲ ತುಂಬಲಿದೆ ಎನ್ನುತ್ತಾರೆ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರು.
10 ಸ್ನಾತಕೋತ್ತರ ಕೋರ್ಸ್‌: 2017-18ನೇ ಸಾಲಿನಲ್ಲಿ ಆರಂಭಗೊಂಡಿರುವ ಈ ವಿವಿಯಲ್ಲಿ ಈಗಾಗಲೇ ವಿವಿಧ 10 ಸ್ನಾತಕೋತ್ತರ ಕೋರ್ಸ್‌ಗಳಿದ್ದು, ಇದೇ ಮೊದಲ ಬಾರಿಗೆ ಒಂದು ವರ್ಷದ ಡಿಪ್ಲೋಮಾ ಕೋರ್ಸ್‌ ಪರಿಚಯಿಸಲಾಗುತ್ತಿದೆ. ವಿವಿಧ ವಿಭಾಗಗಳಲ್ಲಿ ಸದ್ಯ 350ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿದ್ದಾರೆ.
ನಾಡಿನ ಗ್ರಾಮೀಣ ಭಾಗದ ಸಂಪನ್ಮೂಲ ಉನ್ನತೀಕರಿಸುವ ನಿಟ್ಟಿನಲ್ಲಿ ಕುಲಪತಿ ಪ್ರೊ| ವಿಷ್ಣುಕಾಂತ ಎಸ್‌. ಚಟಪಲ್ಲಿ ವಿವಿಧ ಡಿಪ್ಲೋಮಾ ಕೋರ್ಸ್‌ಗಳನ್ನು ರೂಪಿಸಿದ್ದಾರೆ. ಬರುವ ಸೆಪ್ಟೆಂಬರ್‌ನಿಂದ ಶೈಕ್ಷಣಿಕ ಪ್ರವೇಶ ಆರಂಭಗೊಳ್ಳಲಿವೆ. ಅರ್ಹರು ಇದರ ಸದುಪಯೋಗ ಪಡೆದುಕೊಳ್ಳಬೇಕು.ಉಮೇಶ್‌ ಬಾರಕೇರ್‌, ಗ್ರಾವಿವಿ ವಿಶೇಷಾಧಿಕಾರಿ ವೀರೇಂದ್ರ ನಾಗಲದಿನ್ನಿ