Security Upgraded: ಭಾಗವತ್‌ಗೆ ಈಗ ಅಮಿತ್‌ ಶಾ, ರಾಹುಲ್‌ ಗಾಂಧಿಗೆ ಸರಿಸಮ ಭದ್ರತೆ

ಹೊಸದಿಲ್ಲಿ: ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸರಸಂಘಚಾಲಕ ಮೋಹನ್‌ ಭಾಗವತ್‌ ಅವರ ಭದ್ರತೆಯನ್ನು ಈಗ ಅತ್ಯುನ್ನತ ಮಟ್ಟಕ್ಕೆ ಏರಿಸಲಾಗಿದೆ.

ಕೇಂದ್ರ ಗೃಹ ಸಚಿವ ಅಮಿತ್‌ ಶಾ, ರಕ್ಷಣ ಸಚಿವ ರಾಜನಾಥ್‌ ಸಿಂಗ್‌, ಲೋಕಸಭೆ ವಿಪಕ್ಷ ನಾಯಕ ರಾಹುಲ್‌ ಗಾಂಧಿಗೆ ನೀಡುವ ಭದ್ರತೆಯಾದ ಎಎಸ್‌ಎಲ್‌ (ಅತ್ಯುನ್ನತ ಭದ್ರತಾ ವ್ಯವಸ್ಥೆ) ಅನ್ನು ಈಗ ಭಾಗವತ್‌ ಅವರಿಗೂ ನೀಡಲಾಗಿದೆ ಎಂಬ ಮಾಹಿತಿ ಇತ್ತೀಚೆಗಿನ ಭದ್ರತಾ ಪರಿಶೀಲನೆಯಲ್ಲಿ ತಿಳಿದುಬಂದಿದೆ.

ಈಗಾಗಲೇ ಭಾಗವತ್‌ಗೆ ಝಡ್‌+ ಭದ್ರತೆ ನೀಡಲಾಗಿತ್ತು. ಅದನ್ನೀಗ ಇನ್ನಷ್ಟು ಹೆಚ್ಚಿಸಲಾಗಿದೆ. ಎಎಸ್‌ಎಲ್‌ನಲ್ಲಿ ಕೆಲವು ಹೆಚ್ಚುವರಿ ಬಿಗಿಕ್ರಮಗಳಿರುತ್ತವೆ. ಯಾವ ಜಾಗಕ್ಕೆ ಭದ್ರತೆಗೊಳಗಾದ ವ್ಯಕ್ತಿ ಹೋಗುತ್ತಾರೋ, ಅಲ್ಲಿಗೆ ಮೊದಲೇ ಒಂದು ತಂಡ ತೆರಳುತ್ತದೆ. ಅಲ್ಲಿನ ಭದ್ರತಾ ಪರಿಸ್ಥಿತಿಯನ್ನು ಗಮನಿಸುತ್ತದೆ. ಸ್ಥಳ ಪರಿಶೀಲನೆ, ಸ್ಥಳೀಯ ಪೊಲೀಸರೊಂದಿಗೆ ಸಹಕಾರ-ಸಂಯೋಜನೆ, ಮುಂಚಿತವಾಗಿ ವ್ಯವಸ್ಥೆ, ಅಪಾಯ ಎಷ್ಟಿದೆ ಎಂಬ ಪರಿಶೀಲನೆಗಳು ನಡೆಯುತ್ತದೆ. ಕಾಂಗ್ರೆಸ್‌ ನಾಯಕರಾದ ಸೋನಿಯಾ ಗಾಂಧಿ, ಪ್ರಿಯಾಂಕಾ ಗಾಂಧಿಗೂ ಎಎಸ್‌ಎಲ್‌ ಭದ್ರತೆ ನೀಡಲಾಗಿದೆ.

ಇದನ್ನೂ ಓದಿ: YouTube Premium: ಯುಟ್ಯೂಬ್‌ ಪ್ರೀಮಿಯಂ ಚಂದಾದಾರಿಕೆ ಶುಲ್ಕ ಹೆಚ್ಚಳ…