ನವದೆಹಲಿ: ರಾಷ್ಟ್ರೀಯ ಸ್ವಯಂ ಸೇವಕ ಸಂಘ(ಆರೆಸ್ಸೆಸ್‌)ದ ಸರಸಂಘ ಚಾಲಕ ಮೋಹನ್‌ ಭಾಗ್ವತ್‌ ಸೇರಿದಂತೆ ಹಲವು ಮುಖಂಡರು ಟ್ವಿಟರ್‌ ಖಾತೆ ತೆರೆದಿದ್ದಾರೆ. ಭಾಗ್ವತ್‌ ಜೊತೆಗೆ ಸರಕಾರ್ಯವಾಹ ಸುರೇಶ್‌ ಭಯ್ನಾಜಿ ಜೋಶಿ, ಸಹ ಸರಕಾರ್ಯವಾಹ ಕೃಷ್ಣ ಗೋಪಾಲ್, ಪ್ರಚಾರ ಪ್ರಮುಖ ಅರುಣ್‌ ಕುಮಾರ್‌, ಸಂಪರ್ಕ ಪ್ರಮುಖ ಅನಿರುದ್ಧ ದೇಶಪಾಂಡೆ ಸೇರಿದಂತೆ ಒಟ್ಟು ಆರು ಮುಖಂಡರು ಕೂಡ ಟ್ವಿಟರ್‌ ಖಾತೆ ತೆರೆದಿದ್ದಾರೆ. ಈಗಾಗಲೇ ಸಹ ಸರಕಾರ್ಯವಾಹ ದತ್ತಾತ್ರೇಯ ಹೊಸಬಾಳೆ ಖಾತೆ ಹೊಂದಿದ್ದು, ಇತ್ತೀಚೆಗಷ್ಟೇ ಅವರ ಖಾತೆಯನ್ನು ಪರಿಶೀಲಿಸಲಾಗಿದೆ.
ಆದರೆ ಇವರು ಖಾತೆಯನ್ನು ಬಳಸುವ ಸಾಧ್ಯತೆ ಕಡಿಮೆ. ಇವರ ಹೆಸರಿನಲ್ಲಿ ಅಕ್ರಮ ಖಾತೆಗಳನ್ನು ರಚಿಸಿ ತಪ್ಪು ಮಾಹಿತಿಯನ್ನು ಹರಡುವುದನ್ನು ತಪ್ಪಿಸಲು ಈ ಕ್ರಮ ಕೈಗೊಳ್ಳಲಾಗಿದೆ.
Advertisement