ಪಾದಾಳ –ಕುಕ್ಕ ಮಜಲು ರಸ್ತೆಗೆ 2.50 ಲಕ್ಷ ರೂ. ಅನುದಾನ 

ಉಪ್ಪಿನಂಗಡಿ: ಪಾದಾಳ- ಕುಕ್ಕಮಜಲು ರಸ್ತೆಯ ನಾದುರಸ್ತಿ ಕುರಿತು ಉದಯವಾಣಿ- ಸುದಿನ ಪ್ರಕಟಿಸಿದ ಸಚಿತ್ರವರದಿಗೆ ತತ್‌ಕ್ಷಣ ಸ್ಪಂದಿಸಿರುವ ಗ್ರಾ.ಪಂ., 2.50 ಲಕ್ಷ ರೂ. ಮಂಜೂರು ಮಾಡಿದೆ.

ರಸ್ತೆ ಅವ್ಯವಸ್ಥೆ ಕುರಿತು ಸುದಿನ ಶನಿವಾರದ ಸಂಚಿಕೆಯಲ್ಲಿ ವರದಿ ಪ್ರಕಟಿಸಿತ್ತು. ಇದರ ಬೆನ್ನಲ್ಲೇ ಈ ಭಾಗದ ಗ್ರಾ.ಪಂ. ಸದಸ್ಯರಾದ ರಾಜಗೋಪಾಲ ಹೆಗ್ಡೆ, ರಮೇಶ್‌ ಭಂಡಾರಿ, ಸುಂದರಿ ಹಾಗೂ ಕವಿತಾ ಅವರು ಜಿ.ಪಂ. ಎಂಜಿನಿಯರ್‌ ಸಂದೀಪ್‌ ಜತೆಗೂಡಿ ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದರು. ಗ್ರಾಮ ವಿಕಾಸ ಯೋಜನೆಯಡಿ 1.50 ಲಕ್ಷ ರೂ. ಹಾಗೂ ಶಾಸಕರ ನಿಧಿಯಿಂದ 1 ಲಕ್ಷ ರೂ. ಅನುದಾನದಲ್ಲಿ ಕಾಂಕ್ರೀಟ್‌ ಕಾಮಗಾರಿ ನಿರ್ವಹಿಸುವ ಮೂಲಕ ಶಾಶ್ವತ ಪರಿಹಾರ ಕಂಡುಕೊಳ್ಳುವುದಾಗಿ ಗ್ರಾ.ಪಂ. ಸದಸ್ಯ ರಾಜಗೋಪಾಲ ಹೆಗ್ಡೆ ತಿಳಿಸಿದ್ದಾರೆ.