ಡೆಲ್ಲಿಯಲ್ಲಿ ಧವನ್‌ಗೆ 7 ಕೋಟಿ ರೂ. ವೇತನ?

ನವದೆಹಲಿ: ಸನ್‌ರೈಸರ್ಸ್‌ ಹೈದ್ರಾಬಾದ್‌ ತಂಡವನ್ನು ತ್ಯಜಿಸಿ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡವನ್ನು ಕೂಡಿಕೊಂಡಿರುವ ಶಿಖರ್‌ ಧವನ್‌ ಎಷ್ಟು ವೇತನ ಪಡೆಯಲಿದ್ದಾರೆಂದು ಇನ್ನೂ ಬಹಿರಂಗವಾಗಿಲ್ಲ. 

ಆದರೆ ಅವರಿಗೆ ಅಂದಾಜು 7 ಕೋಟಿ ರೂ. ಸಿಗುವ ಸಾಧ್ಯತೆಯಿದೆ. ಹೈದ್ರಾಬಾದ್‌ ತಂಡದಲ್ಲಿ ನೀಡುತ್ತಿದ್ದ 5.2 ಕೋಟಿ ರೂ. ಮೊತ್ತ ಕಡಿಮೆಯಾಯಿತು ಎಂಬ ಕಾರಣಕ್ಕೆ ಅದನ್ನುತ್ಯಜಿಸಲು ಧವನ್‌ ಹೊರಟಿದ್ದರು. ಅವರು ಪಂಜಾಬ್‌ ಮತ್ತು ಡೆಲ್ಲಿಯೊಂದಿಗೆ ಮಾತುಕತೆ ನಡೆಸಿದ್ದರು. ಪಂಜಾಬ್‌ 1 ಕೋಟಿ ರೂ. ಮಾತ್ರ ಜಾಸ್ತಿ ನೀಡುತ್ತೇನೆಂದಿತ್ತು. ಡೆಲ್ಲಿ ಹೆಚ್ಚುವರಿಯಾಗಿ 2 ಕೋಟಿ ರೂ. ನೀಡುವ ಸಾಧ್ಯತೆಯಿದೆ ಎಂದು ಹೇಳಲಾಗಿದೆ.