52 ಲಕ್ಷ ಮೌಲ್ಯದ ಗಾಂಜಾ ವಶ

ಔರಾದ: ತಾಲೂಕಿನ ಜಂಬಗಿ ಗ್ರಾಪಂ ವ್ಯಾಪಿಯ ಘಾಮಾ ತಾಂಡಾದಲ್ಲಿನ ವ್ಯಕ್ತಿಯೊಬ್ಬರ ಹೊಲದಿಂದ ತೆಂಗಿನ ಲಾರಿಯಲ್ಲಿ ಸಾಗಿಸುತ್ತಿದ್ದ 52 ಲಕ್ಷ ಮೌಲ್ಯದ 6.5 ಕ್ವಿಂಟಲ್‌ ಗಾಂಜಾ ಪಶಪಡಿಸಿಕೊಂಡು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಶನಿವಾರ ತಡ ರಾತ್ರಿ ತೆಂಗಿನ ಲಾರಿಯಲ್ಲಿ ಗಾಂಜಾ ತುಂಬಿ ಸಾಗಿಸುತ್ತಿರುವ ವೇಳೆ ಸಂತಪುರ ಠಾಣೆ ಪೊಲೀಸರು ದಾಳಿ ನಡೆಸಿ ಅನಿಲ ಮತ್ತು ವಿಜಯ ಎನ್ನುವವರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಹೊಲದ ಮಾಲೀಕ ಗೋಪಾಲನ್‌ ನಾಪತ್ತೆಯಾಗಿದ್ದಾನೆ. ದಾಳಿಯಲ್ಲಿ ಒಂದು ಕಾರು ಮತ್ತು ಮೂರು ದ್ವಿಚಕ್ರ ವಾಹನ ಜಪ್ತಿ ಮಾಡಿಕೊಳ್ಳಲಾಗಿದೆ. ಸ್ಥಳಕ್ಕೆ ಎಸ್‌ಪಿ, ಡಿವೈಎಸ್‌ಪಿ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.