ದಾಖಲೆ ರಹಿತ 50 ಲಕ್ಷ ರೂ. ಹಳೆ ನೋಟು ವಶ 

ಪುತ್ತೂರು: ಪುತ್ತೂರು ಪೊಲೀಸರು ಕ್ಷಿಪ್ರ ಕಾರ್ಯಾಚರಣೆ ನಡೆಸಿ ದಾಖಲೆ ರಹಿತ 50 ಲಕ್ಷ ರೂ. ಹಳೆ ನೋಟು ವಶಪಡಿಸಿಕೊಂಡ ಘಟನೆ ಪುತ್ತೂರಿನ ಮಾಣಿ ಸಮೀಪ ನಡೆದಿದೆ.

ಮಡಿಕೇರಿ ಕಡೆಯಿಂದ ಮಾಣಿ ಕಡೆಗೆ ಕಾರಿನಲ್ಲಿ ದಾಖಲೆ ರಹಿತ 50 ಲಕ್ಷ ರೂ. ಹಳೆ ನೋಟು ಕೊಂಡೊಯ್ಯುತ್ತಿ¨ªಾಗ ಪುತ್ತೂರು ನಗರ ಠಾಣಾ ಪೊಲೀಸ್‌ ತಪಾಸಣೆ ವೇಳೆ ಬೈಪಾಸ್‌ ಉರ್ಲಾಂಡಿ ಬಳಿ ಪತ್ತೆಹಚ್ಚಿದ್ದಾರೆ. 50 ಲಕ್ಷ ರೂ. ಹಳೆ ನೋಟು ಸಹಿತ ವಳಾಲು ನಿವಾಸಿ ಮಹಮ್ಮದ್‌ ಸಿರಾಜ್‌ (34), ಅಬ್ದುಲ್‌  ಶಾರಿಕ್‌ (29), ಬೆದ್ರೋಡಿ ನಿವಾಸಿ ನಿಸಾರ್‌ (28) ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.ಬದಲಾವಣೆ ಗೆ ಕೊಂಡೊಯ್ಯುತ್ತಿದ್ದ  1, 000, 500ರ  ನೋಟು ಉಪ್ಪಿನಂಗಡಿ ಬಳಿ ಹಳೆ ನೋಟು ಬದಲಾವಣೆಗೆಂದು ವ್ಯಕ್ತಿಯೋರ್ವನನ್ನು ಸಂಪರ್ಕಿಸಲು ಬಂಧಿತ ಆರೋಪಿಗಳು ಮಡಿಕೇರಿ ಮೂಲದ ಉದ್ಯಮಿಯ ಹಣವನ್ನು ಸಾಗಿಸುತ್ತಿದ್ದರು ಎಂದು ಬಂಧಿತರು ಪೊಲೀಸರಲ್ಲಿ ತಿಳಿಸಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.