Puttur: ಅನಾರೋಗ್ಯದಿಂದ ಯುವ ವಕೀಲ ಸಾವು

ಪುತ್ತೂರು: ಅನಾರೋಗ್ಯದ ಕಾರಣದಿಂದ ಯುವ ವಕೀಲನೋರ್ವ ಮೃತಪಟ್ಟ ಘಟನೆ ನ. 9ರಂದು ಸಂಭವಿಸಿದೆ.

ಕುಂಬ್ರ ನಿವಾಸಿ ಚಂದ್ರಕಾಂತ್‌ ಅಡೂರ್‌ (38) ಮೃತ ವ್ಯಕ್ತಿ. ಅವರು ಪತ್ನಿ, ಮಗುವನ್ನು ಅಗಲಿದ್ದಾರೆ. ವೃತ್ತಿಯಲ್ಲಿ ವಕೀಲರಾಗಿದ್ದ ಚಂದ್ರಕಾಂತ್‌ ಅವರು ವಕೀಲ ಸಂಘದ ಕಾರ್ಯಕ್ರಮಗಳಲ್ಲಿ ಸಕ್ರಿಯರಾಗಿದ್ದರು.

ಅನಾರೋಗ್ಯದ ಹಿನ್ನಲೆಯಲ್ಲಿ ಅವರನ್ನು ಪುತ್ತೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ಕೊಂಡೊಯ್ಯಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.