ತೇಜಸ್ವಿ ವಿರುದ್ಧ ಎಫ್ಐಆರ್‌?

ಪಟ್ನಾ: 2019ರ ಸಂಸತ್‌ ಚುನಾವಣೆ ಸ್ಪರ್ಧೆಗೆ ಪಕ್ಷದ ಟಿಕೆಟ್‌ ಆಕಾಂಕ್ಷಿಗಳಿಂದ 5 ಕೋಟಿ ರೂ. ಹಣ ಸ್ವೀಕರಿಸಿದ ಆರೋಪವೀಗ ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್‌ಗೆ ಮುಳುವಾಗಿದೆ.

ತೇಜಸ್ವಿ ಸೇರಿದಂತೆ ಐವರ ವಿರುದ್ಧ ಎಫ್ಐಆರ್‌ ದಾಖಲಿಸುವಂತೆ ಪಟ್ನಾದ ಸಿವಿಲ್‌ ಕೋರ್ಟ್‌ ನಿರ್ದೇಶನ ನೀಡಿದೆ. ಕಾಂಗ್ರೆಸ್‌ ಮುಖಂಡ ಸಂಜೀವ್‌ ಕುಮಾರ್‌ ಸಿಂಗ್‌ ನೀಡಿದ ದೂರಿನಲ್ಲಿ ಪಕ್ಷದ ರಾಜ್ಯಾಧ್ಯಕ್ಷ ಮದನ್‌ ಮೋಹನ್‌ ಝಾ, ವಕ್ತಾರ ರಾಜೇಶ್‌ ರಾಥೋಡ್‌, ಮುಖಂಡ ಶುಭಾನಂದ ಮುಕೇಶ್‌ ಸೇರಿ ಆರ್‌ಜೆಡಿ ನಾಯಕ ತೇಜಸ್ವಿಯ ಹೆಸರೂ ಸೇರಿವೆ. 2019ರ ಲೋಕಸಭಾ ಚುನಾವಣೆಯಲ್ಲಿ ಆರ್‌ಜೆಡಿ- ಕಾಂಗ್ರೆಸ್‌ ಮೈತ್ರಿ ಮಾಡಿಕೊಂಡಿದ್ದವು.