ಮೊಹಾಲಿ: ಪಂಜಾಬ್ ಕಿಂಗ್ಸ್ ತಂಡದ ನಾಯಕ ಶಿಖರ್ ಧವನ್ ಇಲ್ಲದೆ ಸಂಕಷ್ಟದಲ್ಲಿರುವ ತಂಡದಂತೆ ಕಾಣುತ್ತಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 175 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಪಂಜಾಬ್ ಕೇವಲ 150 ರನ್‌ಗಳಿಗೆ ಆಲೌಟ್ ಆಯಿತು. ಶಿಖರ್ ಧವನ್ ಅನುಪಸ್ಥಿತಿಯಲ್ಲಿ ತಂಡವನ್ನು ಮುನ್ನಡೆಸುತ್ತಿದ್ದ ಸ್ಯಾಮ್ ಕರ್ರನ್ ಬ್ಯಾಟ್ ಮತ್ತು ಬಾಲ್ ಎರಡರಿಂದಲೂ ತಂಡವನ್ನು ಪ್ರೇರೇಪಿಸುವಲ್ಲಿ ವಿಫಲರಾದರು. ಅಲ್ಲದೆ 12 ಎಸೆತಗಳಲ್ಲಿ ಕೇವಲ 10 ರನ್ ಗಳಿಸಿ ರನ್ ಔಟ್ ಆದರು.
ಹರಾಜಿನಲ್ಲಿ 18.50 ಕೋಟಿ ರೂಪಾಯಿಗೆ ಖರೀದಿಸಲ್ಪಟ್ಟ ಸ್ಯಾಮ್ ಕರ್ರನ್ ಬಗ್ಗೆ ಮಾಜಿ ಆಟಗಾರ ವೀರೆಂದ್ರ ಸೆಹವಾಗ್ ಕಿಡಿನುಡಿಗಳಿಂದ ಟೀಕೆ ಮಾಡಿದ್ದಾರೆ.
“ಆತ ಅಂತಾರಾಷ್ಟ್ರೀಯ ಆಟಗಾರ. ಆದರೆ ನೀವು 18 ಕೋಟಿಯಿಂದ ಅನುಭವವನ್ನು ಖರೀದಿಸಲು ಸಾಧ್ಯವಿಲ್ಲ. ನೀವು ಆಡಿದಾಗ ಮಾತ್ರ ಬರುತ್ತದೆ, ಬಿಸಿಲಿನಲ್ಲಿ ಆಡುವಾಗ ನಿಮ್ಮ ಕೂದಲು ಬೆಳ್ಳಗಾಗುತ್ತದೆ” ಎಂದಿದ್ದಾರೆ.
ಇದನ್ನೂ ಓದಿ:ಇದು ನಕ್ಕು ನಗಿಸುವ ಪಯಣ: ವೈಜಯಂತಿ ಪಾತ್ರದಲ್ಲಿ ಶ್ವೇತಾ ಮಿಂಚು
“ಅವನನ್ನು 18 ಕೋಟಿಗೆ ಖರೀದಿಸಿದ ಮಾತ್ರಕ್ಕೆ ಅವನು ನಿಮ್ಮ ಪಂದ್ಯಗಳನ್ನು ಗೆಲ್ಲುತ್ತಾನೆ ಎಂದು ನಾವು ಭಾವಿಸುತ್ತೇವೆ. ಆದರೆ ಅವರಿಗೆ ಇನ್ನೂ ಅಂತಹ ಅನುಭವವಿಲ್ಲ. ಅದು ಕಳಪೆ ಓಟವಾಗಿತ್ತು, ಅದರ ಅಗತ್ಯವಿರಲಿಲ್ಲ. ನೀವು ನಾಯಕ, ನೀವು ಕ್ರೀಸ್ ನಲ್ಲಿ ಉಳಿಯಬೇಕಾಗಿತ್ತು. ಪಂದ್ಯವನ್ನು ಅಂತಿಮ ಓವರ್‌ ಗಳಿಗೆ ಕೊಂಡೊಯ್ಯಲು ಪ್ರಯತ್ನಿಸಿದರು. ಆದರೆ ಮತ್ತೆ ಅನುಭವದ ಕೊರತೆಯು ಅವರನ್ನು ಕಳೆದುಕೊಂಡಿತು” ಎಂದು ಭಾರತ ಮತ್ತು ಪಂಜಾಬ್ ಕಿಂಗ್ಸ್ ನ ಮಾಜಿ ಆರಂಭಿಕ ಆಟಗಾರ ಹೇಳಿದರು.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಸೋಲಿನೊಂದಿಗೆ ಪಂಜಾಬ್ ಕಿಂಗ್ಸ್ 6 ಪಂದ್ಯಗಳಲ್ಲಿ 3 ಗೆಲುವು ಮತ್ತು 3 ಸೋಲುಗಳೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ 7 ನೇ ಸ್ಥಾನಕ್ಕೆ ಇಳಿಯಿತು.
