ಸಾಯಿಬಾಬಾ ದೇವಸ್ಥಾನಕ್ಕೆ 14.54 ಕೋಟಿ ರೂ. ದೇಣಿಗೆ

ಶಿರ್ಡಿ(ಮಹಾರಾಷ್ಟ್ರ): ಶಿರ್ಡಿಯ ಪ್ರಸಿದ್ಧ ಸಾಯಿಬಾಬಾ ದೇವಸ್ಥಾನದಲ್ಲಿ 11 ದಿನಗಳ ಅವಧಿಯಲ್ಲಿ 14.54 ಕೋಟಿ ರೂ. ದೇಣಿಗೆ ಸಂದಾಯವಾಗಿದೆ ಎಂದು ದೇವಸ್ಥಾನದ ಟ್ರಸ್ಟ್‌ನ ಅಧಿಕಾರಿಗಳು ಹೇಳಿದ್ದಾರೆ. ಈ ದೇಣಿಗೆ ಡಿ.22ರಿಂದ ಜ.1ರ ವರೆಗೆ ಸಂದಾಯವಾಗಿದೆ. ಇದರಲ್ಲಿ 8.05 ಕೋಟಿ ರೂ. ದೇವಸ್ಥಾನದ ಆವರಣಗಳಲ್ಲಿರುವ ದೇಣಿಗೆ ಹುಂಡಿಗಳಲ್ಲಿ ಸಂಗ್ರಹವಾಗಿದೆ. 6 ಕೋಟಿ ರೂ. ವಿದೇಶಗಳಲ್ಲಿರುವ ಮತ್ತು ದೇಶದ ವಿವಿಧ ಭಾಗಗಳಲ್ಲಿರುವ ಭಕ್ತರು ಬ್ಯಾಂಕ್‌ ಖಾತೆಗೆ ವರ್ಗಾವಣೆ ಮಾಡಿರುವ ಹಣ. ಜತೆಗೆ 19 ಲಕ್ಷ ಮೌಲ್ಯದ ಚಿನ್ನ, ಬೆಳ್ಳಿ ಆಭರಣಗಳೂ ದೊರೆತಿವೆ ಎಂದು ಶ್ರೀ ಸಾಯಿಬಾಬಾ ಸಂಸ್ಥಾನ ಟ್ರಸ್ಟ್‌ ತಿಳಿಸಿದೆ.