ರೈತನಿಗೆ 1.17 ಲಕ್ಷ ರೂ. ವಿದ್ಯುತ್‌ ಬಿಲ್‌!

ನಗರ: ಖರ್ಚಾದ ವಿದ್ಯುತ್‌ ಗಿಂತ 100 ಪಟ್ಟು ಹೆಚ್ಚಿನ ವಿದ್ಯುತ್‌ ಬಿಲ್‌ ನೀಡುವ ಮೂಲಕ ರೈತನೊಬ್ಬನಿಗೆ ಮೆಸ್ಕಾಂ ಶಾಕ್‌ ನೀಡಿದೆ. ಆದರೆ ಆದ ತಪ್ಪನ್ನು ಸರಿಪಡಿಸಿ ಕೂಡಲೇ ಸರಿಪಡಿಸಿ, ರೈತನನ್ನು ಸಮಧಾನಪಡಿಸಿದೆ.

ಪಾಣಾಜೆ ಗ್ರಾಮದ ಕಡಮಾಜೆ ನಿವಾಸಿ ಶ್ರೀಕೃಷ್ಣ ಬೊಳಿಲ್ಲಾಯ ಅವರ ಮನೆಗೆ ನವೆಂಬರ್‌ ತಿಂಗಳಲ್ಲಿ 1,17,649 ರೂ. ಬಿಲ್‌ ನೀಡಲಾಗಿತ್ತು. ಇದನ್ನು ಡಿ. 5ರೊಳಗೆ ಪಾವತಿಸುವಂತೆಯೂ ಸೂಚಿಸಲಾಗಿತ್ತು. ಬಿಲ್‌ ಮೊತ್ತ ನೋಡಿ ಆಶ್ಚರ್ಯಗೊಂಡ ಶ್ರೀಕೃಷ್ಣ ಅವರು ಬುಧವಾರ ನೇರವಾಗಿ ಬನ್ನೂರಿನ ಮೆಸ್ಕಾಂ ಕಚೇರಿಗೆ ತೆರಳಿ ವಿಚಾರಿಸಿದ್ದಾರೆ. ಅದನ್ನು ಪರಿಶೀಲಿಸಿದಾಗ, ಅವರ ಬಿಲ್‌ ಕೇವಲ 990 ರೂ. ಎಂದು ಗೊತ್ತಾಯಿತು.

ಇದು ಕಂಪ್ಯೂಟರ್‌ನಲ್ಲಿ ಆದ ಪ್ರಮಾದ ಎಂದು ತಿಳಿಸಿದ ಮೆಸ್ಕಾಂ ಸಿಬಂದಿ, ತತ್‌ ಕ್ಷಣವೇ ಅದನ್ನು ಸರಿಪಡಿಸಿಕೊಟ್ಟಿದ್ದಾರೆ ಎಂದು ಶ್ರೀಕೃಷ್ಣ ತಿಳಿಸಿದ್ದಾರೆ. ಅಕ್ಟೋಬರ್‌ ತಿಂಗಳಿನಿಂದ ವಿದ್ಯುತ್‌ ಬಿಲ್‌ಗೆ ಸಂಬಂಧಿಸಿ ಹೊಸ ಸಾಫ್ಟ್‌ವೇರ್‌ ಅಳವಡಿಕೆಯಾಗಿದೆ. ಅದರ ಅಪ್‌ಡೇಟ್‌ ಕಾರ್ಯ ನಿರ್ವಾಹಕ ಎಂಜಿನಿಯರ್‌ ನರಸಿಂಹ ತಿಳಿಸಿದ್ದಾರೆ.