Advertisement
ಇದೇ ವೇಳೆ ನಟ ಪ್ರಥಮ್‌ಕೂಡ “ಆರ್‌ಆರ್‌ಆರ್‌’ ಚಿತ್ರದ ನಡುವೆಯೇ ತಮ್ಮ ಅಭಿನಯದ “ನಟ ಭಯಂಕರ’ ಚಿತ್ರದ ಥಿಯೇಟರಿಕಲ್‌ ಟ್ರೇಲರ್‌ ಬಿಡುಗಡೆಗೂ ಪ್ಲಾನ್‌ ಮಾಡಿಕೊಂಡಿದ್ದರು. ಸುಮಾರು ಒಂದು ತಿಂಗಳಿನಿಂದ “ಆರ್‌ಆರ್‌ಆರ್‌’ ಬಿಡುಗಡೆಯ ಹಿಂದೆ ಬಿದ್ದಿದ್ದ ಪ್ರಥಮ್‌ ಆ್ಯಂಡ್‌ ಟೀಮ್‌, ಸುಮಾರು20 ದಿನಗಳಿಂದ “ನಟ ಭಯಂಕರ’ ಚಿತ್ರದ ಟ್ರೇಲರ್‌ ಕಟಿಂಗ್‌ ಕೆಲಸಗಳಲ್ಲಿ ಹಗಲು-ರಾತ್ರಿ ಎನ್ನದೆ ಬಿಝಿಯಾಗಿತ್ತು.
Related Articles
Advertisement
ಹೀಗಾಗಿ ಸದ್ಯ ಬಿಡುಗಡೆಗೆ ರೆಡಿಯಾಗಿರುವ “ನಟ ಭಯಂಕರ’ ಟ್ರೇಲರ್‌ ಅನ್ನು ಮುಂದಿನ ದಿನಗಳಲ್ಲಿ ರಾಜ್ಯದ ಗಣ್ಯ ವ್ಯಕ್ತಿಯೊಬ್ಬರಿಂದ ಬಿಡುಗಡೆ ಮಾಡಿಸುವ ಯೋಚನೆಯಲ್ಲಿದೆ “ನಟ ಭಯಂಕರ’ ಚಿತ್ರತಂಡ. ಔಟ್‌ ಆ್ಯಂಡ್‌ ಔಟ್‌ ಹಾರರ್‌, ಥ್ರಿಲ್ಲರ್‌,ಕಾಮಿಡಿ ಕಥಾಹಂದರ ಹೊಂದಿರುವ “ನಟ ಭಯಂಕರ’ ಚಿತ್ರದಲ್ಲಿ ನಾಯಕ ಪ್ರಥಮ್‌ ಅವರಿಗೆ ಸುಶ್ಮಿತಾ ಜೋಶಿ, ನಿಹಾರಿಕಾ ಶಣೈ ನಾಯಕಿಯರಾಗಿ ಜೋಡಿಯಾಗಿದ್ದಾರೆ.
ಉಳಿದಂತೆ ಸಾಯಿಕುಮಾರ್‌, ಶೋಭರಾಜ್‌, ಕುರಿ ಪ್ರತಾಪ್‌, ಮಜಾ ಟಾಕೀಸ್‌ ಪವನ್‌, ಓಂ ಪ್ರಕಾಶ್‌ ರಾವ್‌ ಮೊದಲಾದವರು ಚಿತ್ರದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಎಲ್ಲ ಅಂದುಕೊಂಡಂತೆ ನಡೆದರೆ, ಮುಂಬರುವ ಫೆಬ್ರವರಿ ವೇಳೆಗೆ “ನಟ ಭಯಂಕರ’ ಥಿಯೇಟರ್‌ಗೆ ಎಂಟ್ರಿ ಕೊಡಲಿದ್ದಾನೆ.