ಜ.29: ರೋಟರಿ ಜಿಲ್ಲಾ ಗವರ್ನರ್ ಪರ್ಕಳ ಘಟಕ ಭೇಟಿ

ಉಡುಪಿ: ರೋಟರಿ ಜಿಲ್ಲಾ ಗವರ್ನರ್ ರೊ. PHF ಅಭಿನಂದನ್ ಶೆಟ್ಟಿಯವರು ಜ.29ರ ಮಂಗಳವಾರದಂದು ರೋಟರಿ ಪರ್ಕಳಕ್ಕೆ ಅಧಿಕೃತ ಭೇಟಿ ನೀಡಲಿದ್ದಾರೆ. ಮಧ್ಯಾಹ್ನ ಕೃಷ್ಣಾನುಗ್ರಹ ಅನಾಥಾಶ್ರಮಕ್ಕೆ ಭೇಟಿ ನೀಡಿ ಬಳಿಕ ಅಲ್ಲಿ ರೋಟರಾಕ್ಟ್ ವಿದ್ಯಾರ್ಥಿಗಳು ಮತ್ತು ಆಶ್ರಮದ ಮಕ್ಕಳೊಂದಿಗೆ ಸಂವಾದ ನಡೆಸಲಿದ್ದಾರೆ. ತದನಂತರ ಕುಕ್ಕೆಹಳ್ಳಿ ಸರಕಾರಿ ಪ್ರೌಢಶಾಲೆಗೆ ಭೇಟಿ ನೀಡಲಿರುವ ಅವರು ಅಲ್ಲಿ ಇಂಟರ್ ಲಾಕ್ ವ್ಯವಸ್ಥೆಯ ಅನಾವರಣ ಹಾಗೂ ಇಂಟರಾಕ್ಟ್ ಮಕ್ಕಳೊಂದಿಗೆ ಸಂವಾದ ನಡೆಸಲಿದ್ದಾರೆ. ಆ ಬಳಿಕ ಸಾಯಂಕಾಲ ಪರ್ಕಳ ರೋಟರಿ ಅನುದಾನಿತ ಭವನದಲ್ಲಿ ಕ್ಲಬ್ ಅಸೆಂಬ್ಲಿ ನಡೆಯಲಿದೆ. ಅಂತಿಮವಾಗಿ ಪರ್ಕಳ ಹೈಸ್ಕೂಲ್ ಸಭಾಂಗಣದಲ್ಲಿ ಸಾರ್ವಜನಿಕ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಪರ್ಕಳ ರೋಟರಿಯ ಅಧ್ಯಕ್ಷರು ಪತ್ರಿಕಾ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.

ಸಾಯಂಕಾಲ ಪರ್ಕಳ ಹೈಸ್ಕೂಲ್ ಸಭಾಂಗಣದಲ್ಲಿ ನಡೆಯುವ ಸಾರ್ವಜನಿಕ ಸಭೆಯಲ್ಲಿ ವೃತ್ತಿಪರ ಸೇವಾ ಮಾಸಾಚರಣೆಯ ಅಂಗವಾಗಿ ಸಾಧಕರಿಗೆ ಸಮ್ಮಾನ, ವಲಯ ಸೇನಾನಿಯವರಿಂದ ಸುನಂದಾ ಶೆಟ್ಟಿಯವರಿಗೆ ಸಹಾಯಧನ ಹಸ್ತಾಂತರ, ಕ್ಲಬ್ ಬುಲೆಟಿನ್ ‘ರೋಟರಿ ಧ್ವನಿ’ ಬಿಡುಗಡೆ, ವಿಶೇಷ ಪ್ರತಿಭಾ ಪ್ರದರ್ಶನ, TRF ದೇಣಿಗೆ ಹಸ್ತಾಂತರ ಸಹಿತ ಇನ್ನಿತರ ಪೂರ್ವನಿರ್ಧಾರಿತ ಕಾರ್ಯಕ್ರಮಗಳು ನಡೆಯಲಿವೆ.