ರೊನಾಲ್ಡೊಗೆ 2 ವರ್ಷ ಜೈಲು, 25 ಕೋಟಿ ದಂಡ?

ಮ್ಯಾಡ್ರಿಡ್‌: ಖ್ಯಾತ ಫ‌ುಟ್‌ಬಾಲ್‌ ಆಟಗಾರ, ಸ್ಪೇನ್‌ನ ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ವಿರುದ್ಧದ ತೆರಿಗೆ ವಂಚನೆ ಪ್ರಕರಣದ ವಿಚಾರಣೆ ನಿರ್ಣಾಯಕ ಹಂತಕ್ಕೆ ಬಂದಿದ್ದು, ಅವರಿಗೆ ಅಲ್ಲಿನ ನ್ಯಾಯಾಲಯ 25.50 ಕೋಟಿ ರೂ. ದಂಡ, 2 ವರ್ಷ ಜೈಲು ಶಿಕ್ಷೆ ವಿಧಿಸುವ ಸಾಧ್ಯತೆ ಇದೆ.  ಪ್ರಕರಣಕ್ಕೆ ಸಂಬಂಧಿಸಿದಂತೆ ಸರಕಾರ ಪರ ವಾದ ಮಂಡಿಸಿದ್ದ ವಕೀಲರೊಬ್ಬರು ಈ ವಿಚಾರ ತಿಳಿಸಿದ್ದಾರೆ. 

ರೊನಾಲ್ಡೊ ಸರಕಾರಕ್ಕೆ 45 ಕೋ. ರೂ. ತೆರಿಗೆ ವಂಚನೆ ಮಾಡಿದ ಆರೋಪವಿದ್ದು, ಕೆಲವು ವರ್ಷಗಳಿಂದ ಈ ಪ್ರಕರಣ ಎದುರಿಸುತ್ತಿದ್ದರು. ಪ್ರಕರಣದ ಅಂತಿಮ ತೀರ್ಪು ಸದ್ಯದಲ್ಲೇ ಹೊರಬೀಳಲಿದೆಯಾದರೂ, ಜೈಲು ಶಿಕ್ಷೆ ವಿಧಿಸುವುದು ನ್ಯಾಯಾಲಯದ ತೀರ್ಮಾನಕ್ಕೆ ಬಿಟ್ಟ ವಿಚಾರ ಎನ್ನಲಾಗಿದೆ. ಜೈಲು ಶಿಕ್ಷೆಯ ಅವಧಿಯನ್ನು ದಂಡದ ರೂಪಕ್ಕೆ ಬದಲಾಯಿ ಸುವ ಅವಕಾಶವೂ ಇದೆ ಎಂದು ವಕೀಲರು ತಿಳಿಸಿದ್ದಾರೆ.