Rohtak horror:ಮಲತಂದೆಯಿಂದ ರೇಪ್‌ ;10 ರ ಬಾಲಕಿ ಗರ್ಭಿಣಿ !

ರೋಹಟಕ್‌:ಹರಿಯಾಣದ ರೋಹಟಕ್‌ ಜಿಲ್ಲೆಯಲ್ಲಿ  ಮಹಿಳೆಯೋರ್ವರನ್ನು ಅಪಹರಿಸಿ ಏಳು ಮಂದಿ ಕಾಮುಕರು ಅತ್ಯಮಾನುಷವಾಗಿ ಅತ್ಯಾಚಾರಗೈದ ಪ್ರಕರಣ ಬೆಳಕಿಗೆ ಬಂದ ಬೆನ್ನಲ್ಲೇ ಇನ್ನೊಂದು ಅತ್ಯಂತ ಆಘಾತಕಾರಿ ಪ್ರಕರಣ ವರದಿಯಾಗಿದೆ.

ಅತ್ಯಂತ ಕಳವಳಕಾರಿ ವಿದ್ಯಮಾನದಲ್ಲಿ ಮಲತಂದೆಯಿಂದ ಅತ್ಯಾಚಾರಕ್ಕೊಳಗಾದ 10 ವರ್ಷದ ಬಾಲಕಿಯೊಬ್ಬಳು ಇದೀಗ 5 ತಿಂಗಳ ಗರ್ಭಿಣಿಯಾಗಿದ್ದಾಳೆ.

ಬಿಹಾರದಿಂದ ಬಂದ ವಲಸೆ ಕಾರ್ಮಿಕರ ಬಾಲಕಿ ಅತ್ಯಾಚಾರಕ್ಕೀಡಾಗಿದ್ದು, ಆಕೆಯ ತಾಯಿ ಆಸ್ಪತ್ರೆಗೆ ಕರೆದೊಯ್ದಾಗ ಗರ್ಭಿಣಿಯಾಗಿರುವುದು ಧೃಡಪಟ್ಟಿದೆ.

ಸಂತ್ರಸ್ತ ಬಾಲಕಿಯ ಮಲತಂದೆ ಕಳೆದ ಕೆಲವರ್ಷಗಳಿಂದ ಬೆದರಿಕೆ ಹಾಕಿ ಅತ್ಯಾಚಾರ ನಡೆಸುತ್ತಿದ್ದು, ಇದೀಗ ಪೊಲೀಸರು ಆತನನ್ನು ಬಂಧಿಸಿದ್ದಾರೆ.