ಹೋರಾಡಿ ಸೋತ ಬೋಪಣ್ಣ-ಬಬೋಸ್‌

ಮೆಲ್ಬರ್ನ್: ಭಾರತದ ರೋಹನ್‌ ಬೋಪಣ್ಣ-ಹಂಗೇರಿಯ ಟೈಮಿಯಾ ಬಬೋಸ್‌ ಜೋಡಿ ಆಸ್ಟ್ರೇಲಿಯನ್‌ ಓಪನ್‌ ಮಿಶ್ರ ಡಬಲ್ಸ್‌ನಲ್ಲಿ ವೀರೋಚಿತ ಸೋಲುಂಡು ರನ್ನರ್‌ ಅಪ್‌ ಸ್ಥಾನಕ್ಕೆ ತೃಪ್ತರಾದರು.

ಭಾನುವಾರ ನಡೆದ ಫೈನಲ್‌ ಪಂದ್ಯದಲ್ಲಿ ಬೋಪಣ್ಣ ಜೋಡಿ 2-6, 6-4, 11-9 ರಿಂದ ಮೇಟ್‌ ಪಾವಿಕ್‌, ಗ್ಯಾಬ್ರಿಯೇಲಾ ದಾಬ್ರೋವ್‌ಸ್ಕಿ ವಿರುದ್ಧ ಸೊತರು. 5ನೇ ಶ್ರೇಯಾಂಕದ ಬೋಪಣ್ಣ-ಬಬೋಸ್‌ ಮೊದಲ ಸೆಟ್‌ ಅನ್ನು ಸುಲಭದಲ್ಲೇ ವಶಪಡಿಸಿಕೊಂಡರು. ಆದರೆ ದ್ವಿತೀಯ ಸೆಟ್‌ನಲ್ಲಿ ಸ್ವಲ್ಪದರಲ್ಲೇ ಎಡವಿದರು. ನಿರ್ಣಾಯಕ ಸೆಟ್‌ ತೀವ್ರ ಪೈಪೋಟಿಯಿಂದ ಸಾಗಿತು. ಯಾರೂ ಗೆಲ್ಲಬಹುದಾದ ಸ್ಥಿತಿ ನಿರ್ಮಾಣಗೊಂಡಿತು. ಇಲ್ಲಿ ಇಂಡೋ-ಹಂಗೇರಿಯನ್‌ ಜೋಡಿಗೆ ಅದೃಷ್ಟ ಕೈಕೊಟ್ಟಿತು.

ಕಳೆದ ಫ್ರೆಂಚ್‌ ಓಪನ್‌ ಪಂದ್ಯಾವಳಿಯಲ್ಲಿ ದಾಬ್ರೋವ್‌ಸ್ಕಿ ಜತೆಗೂಡಿಯೇ ರೋಹನ್‌ ಬೋಪಣ್ಣ ಮೊದಲ ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿ ಜಯಿಸಿದ್ದರು. ಈ ಬಾರಿ ಕೆನಡಿಯನ್‌ ಆಟಗಾರ್ತಿ ಬೋಪಣ್ಣ ಅವರ ಎದುರಾಳಿಯಾಗಿದ್ದರು. ಗ್ರ್ಯಾಲ್‌ಸ್ಲಾಮ್‌ನಲ್ಲಿ ಬೋಪಣ್ಣನಿಗೆ ಇದು 2ನೇ ರನ್ನರ್‌ ಅಪ್‌ ಪ್ರಶಸ್ತಿಯಾಗಿದೆ.