ಸಿಯಾಚಿನ್‌ನಲ್ಲಿ ರಸ್ತೆ, ಸೇತುವೆ

ಲೇಹ್‌: ಸಿಯಾಚಿನ್‌ನಲ್ಲಿ ಎಲ್ಲ ರಸ್ತೆಗಳನ್ನೂ ಆಧುನಿಕಗೊಳಿಸುವ ಮತ್ತು ಹೊಸ ರಸ್ತೆಗಳನ್ನು ತ್ವರಿತಗತಿಯಲ್ಲಿ ನಡೆಸುವ ಯೋಜನೆಗೆ ಚಾಲನೆ ನೀಡಲಾಗಿದೆ. ಇದನ್ನು ಪ್ರಾಜೆಕ್ಟ್ ವಿಜಯಕ್‌ ಎಂದು ಕರೆಯಲಾಗಿದ್ದು, ಬಾರ್ಡರ್‌ ರೋಡ್ಸ್‌ ಆರ್ಗನೈಸೇಶನ್‌ ಈ ರಸ್ತೆಗಳನ್ನು ಅಭಿವೃದ್ಧಿಪಡಿಸಲಿದೆ. ಪನಾಮಿಕ್‌ನಿಂದ ಸಿಯಾಚಿನ್‌ ಬೇಸ್‌ ಕ್ಯಾಂಪ್‌ವರೆಗೆ ಎಲ್ಲ ಒಳ ರಸ್ತೆಗಳನ್ನೂ ಅಭಿವೃದ್ಧಿಪಡಿಸಲಾಗುತ್ತಿದೆ. ವಾತಾವರಣ ಅತ್ಯಂತ ಶೀತವಾಗಿದ್ದು, ಈ ವಾತಾವರಣವನ್ನೂ ರಸ್ತೆಗಳು ತಾಳಿಕೊಳ್ಳುವುದಕ್ಕಾಗಿ ಹೊಸ ತಂತ್ರಜ್ಞಾನ ಬಳಸಿಕೊಳ್ಳಲಾಗುತ್ತಿದೆ. ಇಲ್ಲಿ ಮೈನಸ್‌ 10 ರಿಂದ ಮೈನಸ್‌ 15 ಡಿಗ್ರಿ ವರೆಗೂ ತಾಪಮಾನ ಇಳಿಕೆಯಾಗುತ್ತದೆ. ಇಂತಹ ಸನ್ನಿವೇಶದಲ್ಲಿ ಕೆಲಸ ಮಾಡುವುದೂ ದುಸ್ತರ ಎಂದು ಅಧಿಕಾರಿಗಳು ಹೇಳಿದ್ದಾರೆ.