ಚೋರ್ಲಾ ಘಾಟ್ ಬಳಿ ಭೀಕರ ಅಪಘಾತ: ಸುಟ್ಟು ಕರಕಲಾದ ಲಾರಿ-ಬಸ್

ಬೆಳಗಾವಿ: ಜಾಂಬೋಟಿ ಬಳಿಯ ಚೋರ್ಲಾ ಘಾಟ್ ನ ಕಾಲಮಣಿ ಕ್ರಾಸ್ ನ ಧಾಬಾ ಸಮೀಪ ಬಸ್ ಹಾಗೂ ಲಾರಿ ಮಧ್ಯೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಎರಡೂ ವಾಹನಗಳು ಸುಟ್ಟು ಭಸ್ಮವಾಗಿದ್ದು, ನಾಲ್ಕು ಜನರಿಗೆ ಗಾಯಗಳಾಗಿವೆ.

ಖಾನಾಪುರದಿಂದ ಗೋವಾಕ್ಕೆ ತೆರಳುವ ಜಾಂಬೋಟಿ ಮಾರ್ಗದ ಚೋರ್ಲಾ ಘಾಟ್ ಬಳಿ ಅವಘಡ ಸಂಭವಿಸಿದೆ. ಗೋವಾದಿಂದ ಮುಂಡರಗಿಗೆ ಬರುತ್ತಿದ್ದ ಬಸ್ ಗೆ ಬೆಳಗಾವಿಯಿಂದ ಗೋವಾಕ್ಕೆ ಹೊರಟಿದ್ದ ಲಾರಿ ಮಧ್ಯೆ ಮುಖಾಮುಖಿ ಡಿಕ್ಕಿ ಆಗಿದೆ. ಡಿಕ್ಕಿಯ ರಭಸಕ್ಕೆ ಲಾರಿಯ ಡಿಸೇಲ್ ಬಾಕ್ಸ್ ಒಡೆದು ಬೆಂಕಿ ಹೊತ್ತಿಕೊಂಡಿದೆ.

ಬಸ್ ನಲ್ಲಿ 21 ಪ್ರಯಾಣಿಕರು ಇದ್ದರು.‌ ಕೆಲವರು ನಿದ್ದೆಯ ಮಂಪರಿನಲ್ಲಿದ್ದರು. ಬೆಂಕಿ ಆವರಿಸಿಕೊಳ್ಳುತ್ತಿದ್ದಂತೆ ಬಹುತೇಕರು ಕೆಳಗಿಳಿದು ಬಂದಿದ್ದಾರೆ.‌ ಮೂರ್ನಾಲ್ಕು ಜನರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಎರಡೂ ವಾಹನಗಳು ಸುಟ್ಟು ಕರಕಲಾಗಿದ್ದು, ವಾಹನಗಳನ್ನು ತೆಗೆದು ಸುಗಮ ಸಂಚಾರಕ್ಕೆ ಅನುಕೂಲ ಮಾಡಿಕೊಡಲಾಗಿದೆ.