ರಿತೇಶ್‌ ಸಿನಿಮಾ ಅತಿಥಿ ಪಾತ್ರದಲ್ಲಿ ನಟ ಸಲ್ಮಾನ್‌ ಖಾನ್‌

ಬಾಲಿವುಡ್‌ ನಟ ರಿತೇಶ್‌ ದೇಶ್‌ಮುಖ್‌ ಮತ್ತು ನಟಿ ಜನಿಲಿಯಾ ಡಿಸೋಜಾ ಅಭಿನಯಿಸಿರುವ ಮರಾಠಿ ಸಿನಿಮಾ “ವೇದ್‌’ ಚಿತ್ರದಲ್ಲಿ ಖ್ಯಾತ ನಟ ಸಲ್ಮಾನ್‌ ಖಾನ್‌ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಈ ಚಿತ್ರದ “ವೇದ್‌ ಲಾವ್ಲೇ’ ಹಾಡಿನಲ್ಲಿ ಅವರು ರಿತೇಶ್‌ ಅವರೊಂದಿಗೆ ಹೆಜ್ಜೆ ಹಾಕಿದ್ದಾರೆ. ರಿತೇಶ್‌ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಈ ಹಾಡಿನ ತುಣುಕನ್ನು ಇನ್ಸ್ಟಾಗ್ರಾಮ್‌ನಲ್ಲಿ ಅವರು ಶೇರ್‌ ಮಾಡಿದ್ದು, ಶುಭಾಶಯ ಕೋರಿದ್ದಾರೆ. ಈ ಹಾಡಿನಲ್ಲಿ ಸಲ್ಮಾನ್‌ ಖಾನ್‌ ತಮ್ಮ ಜೀನ್ಸ್‌ ಪ್ಯಾಂಟಿನ ಹಿಂದಿನ ಪಾಕೆಟ್‌ನಲ್ಲಿ ಬಿಯರ್‌ ಗ್ಲಾಸ್‌ ಇಟ್ಟು ನೃತ್ಯ ಮಾಡಿದ್ದಾರೆ. ಇದು ರಿತೇಶ್‌ ಅವರ ನಿರ್ದೇಶನದ ಮೊದಲ ಮರಾಠಿ ಸಿನಿಮಾ.