ಗಂಭೀರ್‌ ದಾಖಲೆ ಮುರಿದ ರಿಷಭ್‌ ಪಂತ್‌

ನವದೆಹಲಿ: ಪ್ರಚಂಡ ಫಾರ್ಮ್ನಲ್ಲಿರುವ ಡೆಲ್ಲಿ ಡೇರ್‌ ಡೆವಿಲ್ಸ್‌ ತಂಡದ ಪ್ರಮುಖ ಬ್ಯಾಟ್ಸ್‌ಮನ್‌ ರಿಷಭ್‌ ಪಂತ್‌
ಈಗ ತಮ್ಮದೇ ತಂಡದಲ್ಲಿರುವ ಗೌತಮ್‌ ಗಂಭೀರ್‌ ದಾಖಲೆಯೊಂದು ಮರಿದಿದ್ದಾರೆ.

ಪ್ರಸ್ತುತ ಹನ್ನೊಂದನೇ ಆವೃತ್ತಿಯಲ್ಲಿ ಒಟ್ಟಾರೆ 582 ರನ್‌ಗಳಿಸಿರುವ ಪಂತ್‌ 2008ರ ಐಪಿಎಲ್‌ ಮೊದಲ ಆವೃತ್ತಿಯ ಇನಿಂಗ್ಸ್‌ವೊಂದರಲ್ಲಿ 534 ರನ್‌ ಅತ್ಯಧಿಕ ರನ್‌ ದಾಖಲಿಸಿದ್ದ ಗಂಭೀರ್‌ ದಾಖಲೆ ಅಳಿಸಿ ಹಾಕಿದ್ದಾರೆ. ಪಂತ್‌ ಇಷ್ಟೆಲ್ಲ ಚೆನ್ನಾಗಿ ಆಡಿದ್ದರೂ ಡೆಲ್ಲಿ ಡೇರ್‌ ಡೆವಿಲ್ಸ್‌ ತಂಡ ಐಪಿಎಲ್‌ನಿಂದ ಹೊರಬಿದ್ದಿದೆ.

ಅಭಿಮಾನಿಗಳನ್ನೇ ಕಳಕೊಂಡ ಡೆಲ್ಲಿ: ಐಪಿಎಲ್‌ ಹನ್ನೊಂದನೇ ಆವೃತ್ತಿಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡಿ ಕೂಟದಿಂದ ಹೊರಬಿದ್ದಿರುವ ಡೆಲ್ಲಿ ಡೇರ್‌ ಡೆವಿಲ್ಸ್‌ ತಂಡ ಈಗ ಅಭಿಮಾನಿಗಳ ವಿಶ್ವಾಸವನ್ನೇ ಕಳೆದುಕೊಂಡಿದೆ. ಹೀಗಾಗಿ ಬೆಂಗಳೂರು ತಂಡದ ವಿರುದ್ಧ ನವದೆಹಲಿ ನಡೆದ ಪಂದ್ಯ ವೀಕ್ಷಣೆಗೆ ಜನರ ಸಂಖ್ಯೆ ಗಣನೀಯವಾಗಿ ಕುಸಿತಗೊಂಡಿತ್ತು.