Advertisement
ಫಿರೋಜ್‌ ಶಾ ಕೋಟ್ಲಾದಲ್ಲಿ ನಡೆದ ಶನಿವಾರದ ಮೊದಲ ಪಂದ್ಯದಲ್ಲಿ 5 ವಿಕೆಟ್‌ಗಳ ಗೆಲುವು ದಾಖಲಿಸಿ ಲೀಗ್‌ ಹಂತವನ್ನು ಅತ್ಯುತ್ತಮವಾಗಿ ಮುಗಿಸಿದ ಡೆಲ್ಲಿ ತಂಡವು ರಾಜಸ್ಥಾನ್‌ ರಾಯಲ್ಸ್‌ನ ಪ್ಲೇ ಆಫ್ ಕನಸನ್ನು ನುಚ್ಚುನೂರು ಮಾಡಿತು. ಈ ನಡುವೆ ಡೆಲ್ಲಿ ತಂಡದ ರಿಷಭ್‌ ಪಂತ್‌ ಹಾಗೂ ರಾಜಸ್ಥಾನ್‌ ಆಟಗಾರ ರಿಯಾಗ್‌ ಪರಾಗ್‌ ಹೊಸ ದಾಖಲೆಯನ್ನು ಬರೆದರು.
ರಿಯಾನ್‌ ಪರಾಗ್‌ ಐಪಿಎಲ್‌ನಲ್ಲಿ ಅರ್ಧಶತಕ ಬಾರಿಸಿದ ಅತೀ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. 17 ವರ್ಷ 175 ದಿನ ಪ್ರಾಯದ ರಿಯಾನ್‌ ರಾಜಸ್ಥಾನದ ಇನ್ನಿಂಗ್ಸ್‌ ವೇಳೆ ಫಿಫ್ಟಿ ಹೊಡೆದರು. ಇದಕ್ಕೂ ಮುನ್ನ ಈ ದಾಖಲೆ ಸಂಜು ಸ್ಯಾಮ್ಸನ್‌ ಮತ್ತು ಪೃಥ್ವಿ ಶಾ ಹೆಸರಲ್ಲಿತ್ತು.