ರಿಟರ್ನ್ಸ್ ಸಲ್ಲಿಕೆ ದಿನಾಂಕ ಆ. 31ರ ವರೆಗೆ ವಿಸ್ತರಣೆ

ಹೊಸದಿಲ್ಲಿ: ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆ ಮಾಡುವ ದಿನಾಂಕವನ್ನು ಆ.31ರ ವರೆಗೆ ವಿಸ್ತರಿಸಿ ಕೇಂದ್ರೀಯ ನೇರ ತೆರಿಗೆ ಮಂಡಳಿ ಸೋಮವಾರ ಆದೇಶ ಹೊರಡಿಸಿದೆ. ಸದ್ಯದ ಕೊನೆಯ ದಿನ ಜುಲೈ 31 ಆಗಿತ್ತು. ಈಗ ಇದನ್ನು ಇನ್ನೂ ಒಂದು ತಿಂಗಳವರೆಗೆ ವಿಸ್ತರಿಸಲಾಗಿದೆ.

2018-19ನೇ ವಿತ್ತೀಯ ವರ್ಷದ ರಿಟರ್ನ್ಸ್ ಅನ್ನು 2019-20ನೇ ಅಂದರೆ ಹಾಲಿ ಸಾಲಿನಲ್ಲಿ ಸಲ್ಲಿಕೆ ಮಾಡಲಾಗುತ್ತದೆ. ಉದ್ಯೋಗದಾತರು ಉದ್ಯೋಗಿಗಳಿಗೆ ಫಾರಂ 16 ಟಿಡಿಎಸ್‌ ಸರ್ಟಿಫಿಕೇಟ್‌ ನೀಡುವುದನ್ನು ಜು. 10ರ ವರೆಗೆ ವಿಸ್ತರಿಸಿತ್ತು. ಹೀಗಾಗಿ ಸಂಬಳದಾರರಿಗೆ ಜು. 31ರ ವರೆಗಿನ ಅವಧಿಯಲ್ಲಿ ರಿಟರ್ನ್ಸ್ ಸಲ್ಲಿಕೆ ಮಾಡುವುದು ಅಸಾಧ್ಯವಾಗಿತ್ತು.