ಚಿಲ್ಲರೆ ಹಣದುಬ್ಬರ 7 ತಿಂಗಳ ಗರಿಷ್ಠಕ್ಕೆ ಏರಿಕೆ

ಹೊಸದಿಲ್ಲಿ: ಚಿಲ್ಲರೆ ದರ ಆಧರಿತ ಹಣದುಬ್ಬರವು ಕಳೆದ 7 ತಿಂಗಳಲ್ಲೇ ಗರಿಷ್ಠಕ್ಕೆ ತಲುಪಿದ್ದು, ಮೇಯಲ್ಲಿ ಇದು ಶೇ. 3.05ಕ್ಕೆ ತಲುಪಿದೆ. ಹಣದುಬ್ಬರ ಏರಿಕೆಯಾಗಿರುವುದಕ್ಕೆ ಪ್ರಮುಖ ಕಾರಣವೇ ಹೆಚ್ಚಿನ ಬೆಲೆಯ ಆಹಾರ ಸಾಮಗ್ರಿಗಳ ಮೇಲಿನ ಬೆಲೆ ಏರಿಕೆಯಿಂದಾಗಿ ಎಂಬುದಾಗಿ ಸರಕಾರ ಬಿಡುಗಡೆ ಮಾಡಿದ ದತ್ತಾಂಶದಲ್ಲಿ ಸೂಚಿಸಲಾಗಿದೆ.

ಇದೇ ರೀತಿ ಚಿಲ್ಲರೆ ಬೆಲೆ ಆಧರಿಸಿದ ಸೂಚ್ಯಂಕವು ಈ ಹಿಂದಿನ ಶೇ. 2.92ರಿಂದ ಎಪ್ರಿಲ್‌ನಲ್ಲಿ ಶೇ. 2.99ಕ್ಕೆ ಏರಿಕೆಯಾಗಿದೆ. 2018 ಮೇ ಯಲ್ಲಿ ಚಿಲ್ಲರೆ ಹಣದುಬ್ಬರವು ಶೇ. 4.87ರಲ್ಲಿತ್ತು. ಅದಕ್ಕೂ ಮೊದಲು 2018 ಅಕ್ಟೋಬರ್‌ನಲ್ಲಿ ಇದು ಶೇ. 3.38ರಲ್ಲಿತ್ತು.