ಡಿ.ಹೆಚ್.ಎಫ್.ಎಲ್. ಸೂಪರ್‌ಸೀಡ್‌

ಮುಂಬೈ: ವಿತ್ತೀಯ ಸಂಕಷ್ಟಕ್ಕೆ ಗುರಿಯಾಗಿರುವ ದಿವಾನ್‌ ಹೌಸಿಂಗ್‌ ಫೈನಾನ್ಸ್‌ ಕಾರ್ಪೋರೇಷನ್‌ (ಡಿ.ಹೆಚ್.ಎಫ್.ಎಲ್.) ಅನ್ನು ಆರ್‌.ಬಿ.ಐ. ಬುಧವಾರ ಸೂಪರ್‌ಸೀಡ್‌ ಮಾಡಿದೆ. ಜತೆಗೆ ಅದರ ಸದ್ಯದ ವ್ಯವಹಾರ ನೋಡಿಕೊಳ್ಳಲು ಇಂಡಿಯನ್‌ ಓವರ್‌ ಸೀಸ್‌ ಬ್ಯಾಂಕ್‌ನ ನಿವೃತ್ತ ಎಂ.ಡಿ. ಆರ್‌.ಸುಬ್ರಮಣಿ ಕುಮಾರ್‌ ಅವರನ್ನು ಆಡಳಿತಾಧಿಕಾರಿಯನ್ನಾಗಿ ನೇಮಕ ಮಾಡಿದೆ.

ಡಿಎಚ್‌ಎಫ್ಎಲ್‌ ದಿವಾಳಿ ಪ್ರಕ್ರಿಯೆಗೆ ಚಾಲನೆ ನೀಡುವ ಮೊದಲು ಆರ್‌ಬಿಐ ಈ ನಿರ್ಧಾರ ಕೈಗೊಂಡಿದೆ. ಕನಿಷ್ಠ 500 ಕೋಟಿ ರೂ. ಮೌಲ್ಯದ ಸೊತ್ತು ಇರುವ ಬ್ಯಾಂಕೇತರ ವಿತ್ತೀಯ ಸಂಸ್ಥೆಗಳನ್ನು ದಿವಾಳಿ ಕಾಯ್ದೆಯಡಿ ತಂದ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.