ರೋಗ ತಡೆಗೆ ಸಂಶೋಧನೆ

ಹೊಸದಿಲ್ಲಿ: ದೇಶದಲ್ಲೇ ಅತ್ಯಂತ ವಿಶಿಷ್ಟ ಯೋಜನೆಯನ್ನು ಕೇಂದ್ರ ಸರಕಾರ ಹಮ್ಮಿಕೊಂಡಿದ್ದು, 103ಕ್ಕೂ ಹೆಚ್ಚು ಬುಡಕಟ್ಟು ಜನಾಂಗಗಳಲ್ಲಿ ಕಾಣಿಸಿ ಕೊಳ್ಳುವ ಸಾಮಾನ್ಯ ರೋಗಗಳ ನಿವಾರಣೆ ಹಾಗೂ ತಡೆಗೆ ಸಂಶೋಧನೆ ನಡೆಸ ಲಾಗುತ್ತದೆ. ಇದನ್ನು “ಮೈಕ್ರೋಬ್‌ ಪ್ರಾಜೆಕ್ಟ್’ ಎಂದು ಕರೆಯಲಾಗಿದ್ದು, 150 ಕೋಟಿ ರೂ. ಮೀಸಲಿಡಲಾಗಿದೆ.

ಈ ಯೋಜನೆ ಅಡಿಯಲ್ಲಿ 103 ಬುಡಕಟ್ಟು ಜನಾಂಗಗಳ 20,600 ಜನರ ರಕ್ತ, ಚರ್ಮ ಹಾಗೂ ಜೊಲ್ಲು ಮಾದರಿಯನ್ನು ಸಂಗ್ರಹಿ ಸಲಾಗುತ್ತದೆ. ಈ ಬುಡಕಟ್ಟು ಜನರು ತಮ್ಮ ಸಂಬಂಧಿಗಳಲ್ಲೇ ವಿವಾಹವಾಗುವುದರಿಂದ ಕೆಲವು ರೋಗಗಳು ಆನುವಂಶೀಯವಾಗಿ ಹರಡುತ್ತಿದ್ದು, ಇವರಲ್ಲಿರುವ ಬ್ಯಾಕ್ಟೀರಿಯಾ, ಶಿಲೀಂಧ್ರ, ವೈರಸ್‌ ಮತ್ತು ಇತರ ಸೂಕ್ಷ್ಮ ಜೀವಿಗಳನ್ನು ಅಧ್ಯಯನ ನಡೆಸಿ ಪರಿಹಾರ ಕಂಡುಕೊಳ್ಳುವುದು ಈ ಯೋಜನೆಯ ಮೂಲ ಉದ್ದೇಶವಾಗಿದೆ.

ಬೆಂಗಳೂರಿನ ಸಂಸ್ಥೆ: ಬೆಂಗಳೂರಿನ ಟ್ರಾನ್ಸ್‌ ಡಿಸಿಪ್ಲಿನರಿ ಹೆಲ್ತ್‌ ಸೈನ್ಸಸ್‌ ಮತ್ತು ಟೆಕ್ನಾಲಜಿ ಇನ್‌ಸ್ಟಿಟ್ಯೂಟ್‌ ಹಾಗೂ ಇತರ 10 ಸಂಸ್ಥೆಗಳು ಈ ಯೋಜನೆಯಲ್ಲಿ ತೊಡಗಿಸಿಕೊಳ್ಳಲಿವೆ. ಈ ಹಿಂದೆ ಬುಡಕಟ್ಟು ಅಥವಾ ಹಿಂದುಳಿದ ಜನರ ಮೇಲೆ ಮೈಕ್ರೋಬಯೋಮ್‌ ಅಧ್ಯಯನವನ್ನು ವಿಶ್ವದ ಇತರ ದೇಶಗಳಲ್ಲೂ ನಡೆಸಲಾಗಿದ್ದು, ಅದೇ ಮಾದರಿಯಲ್ಲಿ ಈ ಅಧ್ಯಯನ ನಡೆಸಲಾಗುತ್ತಿದೆ. ಅಮೆರಿಕ, ಇಂಗ್ಲೆಂಡ್‌ ಹಾಗೂ ಕೆನಡಾದಲ್ಲಿ ಯಶಸ್ವಿಯಾಗಿ ಈ ಅಧ್ಯಯನ ನಡೆಸಲಾ ಗಿದ್ದು, ಇದು ಜನರ ಮೈಕ್ರೋಬ್‌ಗಳ ಬಗ್ಗೆ ಹೆಚ್ಚಿನ ಸಂಶೋಧನೆ ನಡೆಸುವಲ್ಲಿ ಮಹತ್ವದ ದಾಖಲೆಯಾಗಿದೆ.