Advertisement
ಮರೆಗುಳಿ ರೋಗ ಆರಂಭಗೊಳ್ಳುವ ಎರಡು ದಶಕದ ಮೊದಲೇ ರೋಗದ ಲಕ್ಷಣಗಳು ಕಂಡುಬರುತ್ತವೆ ಎಂದು ಕೆಲ ಸಂಶೋಧನೆಗಳು ಹೇಳುತ್ತಿವೆ. ಆದರೆ ಆ ರೋಗ ಲಕ್ಷಣಗಳನ್ನು ಪತ್ತೆ ಹಚ್ಚುವ ವಿಧಾನಗಳು ಇನ್ನೂ ಕಾರ್ಯರೂಪಕ್ಕೆಬಂದಿಲ್ಲ. ಪ್ರಸ್ತುತ ಎಂಆರ್‌ಐ, ಪಿಇಟಿ ಮತ್ತು ಸಿಟಿ ಸ್ಕ್ಯಾನ್‌ ನಂತಹ ಸಾಂಪ್ರಾದಾಯಿಕ ಪರೀಕ್ಷಾ ಕ್ರಮಗಳನ್ನು ಅನುಸರಿಸಲಾಗುತ್ತಿದೆ. ಆದರೆ, ಈ ವಿಧಾನಗಳಿಂದ ಮರೆಗುಳಿ ರೋಗವನ್ನು ಆರಂಭದಲ್ಲೇ ಅಥವಾ ರೋಗ ಲಕ್ಷಣಗಳು ಪ್ರಾರಂಭವಾಗುತ್ತಿರುವಾಗ ಪತ್ತೆ ಹಚ್ಚಲು ಸಾಧ್ಯವಿಲ್ಲ.
Related Articles
Advertisement
ಈ ಹಿನ್ನೆಲೆಯಲ್ಲಿ ಐಐಎಸ್‌ಸಿ ವಿಜ್ಞಾನಿಗಳು ಮೊದಲು ಎಸಿಎಚ್‌ಇ ಕಿಣ್ವ ಮತ್ತು ಅಕ್ಟೈಲ್‌ ಕೊಲಿನ್‌ನ ಸಂರಚನೆಯನ್ನು ಅಧ್ಯಯನ ನಡೆಸಿ, ಅಕ್ಟೈಲ್‌ಕೊಲಿನ್‌ನ್ನು ಕೃತಕವಾಗಿ ಅಭಿವೃದ್ಧಿಪಡಿಸಿದ್ದಾರೆ. ಆ ಬಳಿಕ ಸಂಶೋಧನೆ ಮುಂದುವರಿಸಿ ಅಮೊನಿಯಂನ ಒಂದು ಭಾಗ ಎಸಿಎಚ್‌ಇ ಜತೆಗೆ ಹೆಚ್ಚು ಸ್ಪಂದಿಸುತ್ತದೆ ಎಂಬುದನ್ನು ಕಂಡುಕೊಳ್ಳುತ್ತಾರೆ. ಹಾಗೆಯೇ ಇನ್ನೊಂದು ಭಾಗ ಎಸಿಎಚ್‌ಇಯ ಸಕ್ರಿಯ ಭಾಗದಲ್ಲಿ ನೈಸರ್ಗಿಕವಾಗಿ ಸೇರಿಕೊಂಡು ಪ್ರತಿದೀಪಕ ಸಿಗ್ನಲ್‌ ನೀಡುತ್ತದೆ. ಕಿಣ್ವದ ಜೊತೆ ಸೇರಲು ಎರಡು ಅಮೋನಿಯದ ಎರಡು ಭಾಗಗಳಿಗೆ ಅಗತ್ಯವಾದ ಅಂತರವನ್ನು ಅಳೆಯುವ ಮೂಲಕ ಮರೆಗುಳಿಯ ಲಕ್ಷಣಗಳನ್ನು ಪತ್ತೆ ಹಚ್ಚುವ ಪ್ರಯತ್ನ ನಡೆಸಿದ್ದಾರೆ.
ಮಾರುಕಟ್ಟೆಯಲ್ಲಿ ಲಭ್ಯವಿರುವ ಎಸಿಎಚ್‌ಇ ಮತ್ತು ಮಾನವನ ಮೆದುಳಲ್ಲಿರುವ ಎಸಿಎಚ್‌ ಇಯನ್ನು ಬಳಸಿ ಈ ಪ್ರಯೋಗ ನಡೆಸಲಾಗಿದೆ. ಬ್ಯಾಕ್ಟೀರಿಯಾ ವ್ಯವಸ್ಥೆಯಲ್ಲಿ ಮೊದಲ ಬಾರಿಗೆ ಸಕ್ರಿಯ ಎಸಿಎಚ್‌ಇಯನ್ನು ಕ್ಲೋನಿಂಗ್‌ ಮಾಡಿ ಪ್ರಯೋಗ ನಡೆಸಲಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
ಕಡಿಮೆ ವೆಚ್ಚದ, ವಿಶ್ವಾಸಾರ್ಹ ಪರಿಹಾರ ನಮ್ಮ ಗುರಿ “ನಮಗೆ ಪ್ರಯೋಗದ ಪರಿಕಲ್ಪನೆ ಮತ್ತು ಮುಂದಿನ ಪ್ರಯೋಗದ ಮುಂದಿನ ಹೆಜ್ಜೆ ಏನಿರಬೇಕು ಎಂಬ ಯೋಚನೆ ಬಂದಿದೆ. ಇನ್ನಷ್ಟು ಪ್ರಯೋಗ ನಡೆಸುವ ಅವಶ್ಯಕತೆಯಿದೆ. ನಾವು ಈಗ ಆಲ್ಟ್ರಾ ವಯಲೆಟ್‌ (ಯುವಿ) ಸಕ್ರಿಯ ಮಾದರಿಯಲ್ಲಿ ಪ್ರಯೋಗ ಮಾಡಿದ್ದೇವೆ. ಈ ಮಾದರಿಯಲ್ಲಿ ಹೆಚ್ಚಿನ ಡೋಸ್‌ ನೀಡಿದರೆಅಂಗಾಂಶಗಳಿಗೆ ಹಾನಿ ಆಗಬಹುದು. ಆದ್ದರಿಂದ ಇನ್‌ಫ್ರಾರೆಡ್‌ ಮಾಡೆಲ್‌ಗೆ ನಮ್ಮ ಪ್ರಯೋಗವನ್ನು ಬದಲಾಯಿಸಬೇಕು. ಇನ್‌ಫ್ರಾರೆಡ್‌ ಮಾಡೆಲ್‌ನಿಂದ ಅಂಗಾಂಶಗಳಿಗೆ ಹಾನಿ ಆಗಲಾರದು. ನಾವು ಈಗಾಗಲೇ ಈ ನಿಟ್ಟಿನಲ್ಲಿ ಪ್ರಯತ್ನ ನಡೆಸಿದ್ದೇವೆ. ಕಡಿಮೆ ವೆಚ್ಚದ, ನಂಬಿಗಸ್ತ ಪರಿಹಾರ ಕಂಡುಹಿಡಿಯುವುದು ನಮ್ಮ ಗುರಿ ಎನ್ನುತ್ತಾರೆ ಐಐಎಸ್‌ಸಿ ವಿಜ್ಞಾನಿ ದೇಬಾಶಿಸ್‌ ದಾಸ್‌. *ರಾಕೇಶ್‌ ಎನ್‌.ಎಸ್‌.