Advertisement
ಹೊಸ ವರ್ಷ ಬಂದ ತಕ್ಷಣ ನಾವು ಮಾಡುವ ಮೊದಲ ಕೆಲಸ ಹಳೆಯ ಕ್ಯಾಲೆಂಡರ್‌ ಮೇಲೆ ಬರೆದಿಟ್ಟ ಮಾಹಿತಿಗಳನ್ನು ನೋಟ್‌ ಮಾಡಿಕೊಂಡು ಕ್ಯಾಲೆಂಡರ್‌ಗಳನ್ನು ಗೋಡೆಯಿಂದ ತೆಗೆದು ರದ್ದಿ ಪೇಪರ್‌ ಸಂಗಡ ಸೇರಿಸುವುದು ಅಥವಾ ಕಸದ ಬುಟ್ಟಿಗೆ ಎಸೆ ಯುವುದು. ಈ ಪ್ರಕ್ರಿಯೆ ಬಹುತೇಕ ಪ್ರತಿ ಮನೆಯಲ್ಲೂ ನಡೆಯುತ್ತದೆ. ಆದರೆ, ಇಲ್ಲೊಬ್ಬ ಹಿರಿಯ ನಾಗರಿಕರು ಹಳೆಯ ಕ್ಯಾಲೆಂಡರ್‌ಗಳನ್ನೆಲ್ಲ ಒಟ್ಟುಗೂಡಿಸಿ ನೋಟ್‌ಬುಕ್‌ ಸೈಜ್‌ನಲ್ಲಿ ಓರಣವಾಗಿ ಕತ್ತರಿಸಿ ಅದರ ಖಾಲಿ ಇರುವ ಭಾಗ ಮೇಲೆ ಕಾಣುವಂತೆ ಜೋಡಿಸಿ ಇಡುತ್ತಾರೆ. ಹಾಗೆಯೇ ಮುಂಜಾನೆ ದಿನಪತ್ರಿಕೆಗಳ ಸಂಗಡ ಬರುವ ಜಾಹೀರಾತು ಶೀಟ್‌ಗಳು, ಕರಪತ್ರಗಳನ್ನು ಕೂಡಾ ಒಂದೂ ಬಿಡದೇ ಸಂಗ್ರಹಿಸಿ ಓರಣವಾಗಿ ಜೋಡಿಸಿ ಇಡುತ್ತಾರೆ. ಕುತೂಹಲದಿಂದ ಈ ಬಗೆಗೆ ಅವರನ್ನು ಕೇಳಿದಾಗ ಬಂದ ಉತ್ತರ, “”ಇವುಗಳನ್ನು ಗಣಿತ ಪ್ರಾಕ್ಟೀಸ್‌ ಮಾಡಲು ಮತ್ತು ಸ್ಕೂಲ್‌ ಕಾಲೇಜುಗಳ rough work ಮಾಡಲು ನನ್ನ ಮೊಮ್ಮಕ್ಕಳಿಗೆ ಕೊಡುತ್ತೇನೆ.”
Related Articles
Advertisement
ಬಳಸು- ಬಿಸಾಕು: ಮನೆಯಲ್ಲಿ ಹಿರಿಯರು ಒಂದೇ ರೇಜರ್‌ ಸೆಟ್‌ನ್ನು ವರ್ಷಗಟ್ಟಲೇ ಉಪಯೋಗಿಸುವುದನ್ನು ನೋಡ ಬಹುದು. ಉಪಯೋಗಿಸುವ ಬ್ಲೇಡ್‌ ಮೊಂಡಾಗುವವರೆಗೂ ಅದನ್ನು ಉಪಯೋಗಿಸುತ್ತಾರೆ. ಅದರೆ, ಇಂದಿನ ಪೀಳಿಗೆ use and throw ಟ್ರೆಂಡ್‌ಗೆ ಶರಣಾಗುತ್ತಾರೆ. ಮನೆಯಿಂದ ಹೊರಡುವಾಗ ನೀರಿನ ಬಾಟಲ್‌ ಒಯ್ಯವುದು ಅವರಿಗೆ ತುಂಬಾ ಭಾರವಾಗುತ್ತದೆ. ಮಾರ್ಗ ಮಧ್ಯದಲ್ಲಿ 10-20ರೂ. ತೆತ್ತು ಕುಡಿಯುವ ನೀರಿನ ಬಾಟಲ್‌ ಖರೀದಿಸುವುದು ಇಂದಿನ ಫ್ಯಾಷನ್‌. ಹಾಗೆಯೇ ಒಂದೇ ಒಂದು ಖಾಲಿ ಬಾಟಲ್‌ ಮನೆಗೆ ಮರಳದಿರುವುದು ಅಷ್ಟೇ ಸಾಮಾನ್ಯ. ಈ ಖಾಲಿ ಬಾಟಲ್‌ಗ‌ಳು ಎಲ್ಲೆಂದರಲ್ಲಿ ಬಿದ್ದಿರುತ್ತವೆ. ಈ ಖಾಲಿ ಬಾಟಲ್‌ಗ‌ಳು ಮಾಡುವ ಪರಿಸರ ಮಾಲಿನ್ಯ, ಅವುಗಳ ಮೌಲ್ಯದ ಬಗೆಗೆ ಮತ್ತು ಅವುಗಳ ಮರುಬಳಕೆಗೆ ಯಾರೂ ತಲೆಕೆಡಿಸಿಕೊಳ್ಳಲ್ಲ!
ಈಗ ರಿಪೇರಿ ನೇಪಥ್ಯಕ್ಕೆ ಸರಿದಿದೆಹಿಂದಿನ ದಿನಗಳಲ್ಲಿ ಯಾವುದಾದರೂ ವಸ್ತು ಹಾಳಾದರೆ, ಅದನ್ನು ಬ್ಯಾಗ್‌ನಲ್ಲಿ ತುಂಬಿಸಿಕೊಂಡು, ರಿಪೇರಿ ಮಾಡುವವನನ್ನು ಊರೆಲ್ಲಾ ತಿರುಗಿ ಹುಡುಕಿ ದುರಸ್ತಿ ಮಾಡಿಸಿಕೊಂಡು ಬರುತ್ತಿದ್ದರು. ಇಂದು ಅಷ್ಟು ವ್ಯವಧಾನ ಯಾರಿಗೂ ಇರುವುದಿಲ್ಲ. ಅಷ್ಟಾಗಿ ಕಷ್ಟಪಟ್ಟು ಹುಡುಕಿಕೊಂಡು ಹೋದರೂ, ರಿಪೇರಿಗಿಂತ ಹೊಸದನ್ನು ತೆಗೆದುಕೊಳ್ಳುವುದೇ ವಾಸಿ, ನಮ್ಮ ಬಳಿಯೇ ಇದೆ, ತೆಗೆ ದು ಕೊಂಡು ಬಿಡಿ ಎಂದು ಅವ ರಿಂದ ಉಚಿತ ಸಲಹೆಯನ್ನು ಕೇಳಿಕೊಂಡು ಬರಬೇಕಾಗುತ್ತದೆ. ಬಹುತೇಕ ಸಂದರ್ಭದಲ್ಲಿ ರಿಪೇರಿ ಸಾಧ್ಯವಿದ್ದರೂ ರಿಪೇರಿ ಮಾಡುವುದಿಲ್ಲ. ಇದರಲ್ಲಿ ವಸ್ತುಗಳ ಉತ್ಪಾದಕರ ಮತ್ತು ಅವುಗಳ ಮಾರ್ಕೆಟಿಂಗ್‌ ಮ್ಯಾನೇಜರ್‌ಗಳ ಗೌಪ್ಯ ಅಜೆಂಡಾವನ್ನು ಯಾರೂ ಗುರು ತಿಸುವುದಿಲ್ಲ. ಕೆಲವು ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿ ರಿಪೇರಿ ಪರಿಕಲ್ಪನೆಯೇ ಇರುವುದಿಲ್ಲ. ಹಳೆಯದಾದ ಕಾರುಗಳನ್ನು ರಿಪೇರಿ ಮಾಡಿಸದೇ dumping yardಗೆ ನೂಕುವುದು ತೀರಾ ಸಾಮಾನ್ಯ. ಈ ಟ್ರೆಂಡ್‌ ಈಗ ನಮ್ಮ ದೇಶದಲ್ಲೂ ಆಳವಾಗಿ ಬೇರುಬಿಡುತ್ತಿದೆ.. ರಿಪೇರಿಗಿಂತ ರಿಪ್ಲೇಸ್ಮೆಂಟ್ ಅಗ್ಗ ಎನ್ನುವ ಮನೋಭಾವನೆ ಬೆಳೆಯುತ್ತಿದೆ. ಹಳೆಯದನ್ನು ಬಿಸಾಕಿ, ಹೊಸದನ್ನು ಖರೀದಿಸುವದು ಆರ್ಥಿಕ ಚೈತನ್ಯದ ಕುರುಹು ಅಲ್ಲ. ಇದು ಉತ್ಪಾ ದ ಕರು ಮತ್ತು ಮಾರು ಕಟ್ಟೆ ನಿರ್ದೇ ಶಿತ “ಮಾರ್ಕೆಟಿಂಗ್‌’ ತಂತ್ರ. ಈ ಅಗೋಚರ ತಂತ್ರಕ್ಕೆ ಯುವ ಜನತೆ ಬಲಿಯಾಗಿದ್ದಾರೆ. ಈ ಹೊಸ ಟ್ರೆಂಡ್‌ ಉಳ್ಳವರಿಗೆ ನಡೆದು ಹೋಗುತ್ತದೆ. ಅದರೆ, ಬಡ-ಮತ್ತು ಮದ್ಯಮ ವರ್ಗದವರಿಗೆ ಬಿಸಿತುಪ್ಪವಾಗುತ್ತದೆ. ಅರ್ಥ ಶಾಸ್ತ್ರದಲ್ಲಿ ಹೇಳುವ demonstration effect ಮಧ್ಯಮ ವರ್ಗದವರ ಬಾಳಿನಲ್ಲಿ ಅರ್ಥಿಕ ಕ್ಷೊಭೆಯನ್ನು ಉಂಟು ಮಾಡುತ್ತವೆ. ಎಲ್ಲಿಂದಲೋ ಧುತ್ತೆಂಧು ಎರಗಿದ ವ್ಯಾಲೆಂಟೈನ್‌ ಡೇಗಳು, ಬರ್ತಡೇ ಅಚರಣೆ, ಐಷಾರಾಮಿ ಹೋಟೆಲ್ಲುಗಳಲ್ಲಿ ಪಾರ್ಟಿಗಳಿಗೆ ಪೂರಕವಾಗಿ, “ಬಳಸಿ-ಬಿಸಾಕು, ರಿಪೇರಿ ಬಿಟ್ಟು ರಿಪ್ಲೇಸ್‌ ಮಾಡು’ ಅರ್ಥಿಕತೆ ಸಾಮಾಜಿಕ ಜೀವನದಲ್ಲಿ ಅಲೆ ಎಬ್ಬಿಸುತ್ತಿದೆ. ಪುಸ್ತಕಗಳ ಕವರಿಂಗ್‌ಗೆ ಪ್ರತ್ಯೇಕ ಕಾಗದ ಸಿಗುತ್ತಿದ್ದು, ಅದನ್ನೇ ಬಳಸಬೇಕಂತೆ. ಕೆಲವು ಶಾಲೆಗಳಲ್ಲಿ ಬೈಂಡಿಂಗ್‌ಗೆ ಸುದ್ದಿ ಪತ್ರಿಕೆ ಬಳಸಬಾರದಂತೆ! ಹಿಂದಿನ ದಿನಗಳಲ್ಲಿ ಯಾವುದಾದರೂ ವಸ್ತು ಹಾಳಾದರೆ, ರಿಪೇರಿ ಮಾಡುವವನನ್ನು ಊರೆಲ್ಲಾ ತಿರುಗಿ ಹುಡುಕಿ ದುರಸ್ತಿ ಮಾಡಿಸುತ್ತಿದ್ದರು. – ರಮಾನಂದ ಶರ್ಮಾ