ನಿರುಪಯುಕ್ತ ಪೈಪ್‌ ತೆಗೆಯಿರಿ: ಶಾಸಕ ಕಾಮತ್‌

ಮಹಾನಗರ: ಉರ್ವದಲ್ಲಿರುವ ಹೊಗೆಬೈಲ್ ಸಮೀಪದ ದೈವಜ್ಞ ಕಲ್ಯಾಣ ಮಂಟಪದ ಬಳಿ ಚರಂಡಿಯಲ್ಲಿರುವ ನಿರುಪಯುಕ್ತ ಪೈಪ್‌ ತೆಗೆಯಬೇಕು ಎನ್ನುವ ಆ ಪರಿಸರದ ಜನರ ಬೇಡಿಕೆಯನ್ನು ಪಾಲಿಕೆ ಅಧಿಕಾರಿಗಳು ತತ್‌ಕ್ಷಣ ಈಡೇರಿಸಬೇಕು ಎಂದು ಶಾಸಕ ಡಿ. ವೇದವ್ಯಾಸ ಕಾಮತ್‌ ಹೇಳಿದ್ದಾರೆ.

ಅವರ ಹೊಗೆಬೈಲ್ ಪರಿಸರಕ್ಕೆ ಭೇಟಿ ಕೊಟ್ಟು ಜನರ ಬೇಡಿಕೆಗಳನ್ನು ಆಲಿಸಿ ಪಾಲಿಕೆ ಎಂಜಿನಿಯರ್‌ನವರೊಂದಿಗೆ ಮಾತನಾಡಿದರು. ರಾಜಕಾಲುವೆಯಲ್ಲಿ ನಿರುಪಯುಕ್ತ ಪೈಪ್‌ ಇರುವುದರಿಂದ ಒಳಚರಂಡಿ ಬ್ಲಾಕ್‌ ಆಗುತ್ತಿದೆ. ಅದನ್ನು ತೆಗೆಯಲು ಪಾಲಿಕೆ ಒಪ್ಪಿದರೂ ಅಧಿಕಾರಿಗಳು ಹಿಂಜರಿಯುವುದು ಸರಿಯಲ್ಲ ಎಂದು ಹೇಳಿದರು. ಸ್ಥಳೀಯ ಬಿಜೆಪಿ ಪ್ರಮುಖರಾದ ಕಿಶೋರ್‌, ಗಣೇಶ್‌, ಸ್ಥಳೀಯರು ಮೊದಲಾದವರು ಈ ಸಂದರ್ಭ ಉಪಸ್ಥಿತರಿದ್ದರು.