ಮೋದಿಯವರ ಆಫ‌ರ್‌ ತಿರಸ್ಕರಿಸಿದ್ದೆ: ಪವಾರ್‌

ಮುಂಬಯಿ: ಬಿಜೆಪಿ ಜತೆಗೆ ಕೆಲಸ ಮಾಡುವ ಆಫ‌ರ್‌ ಅನ್ನು ಪ್ರಧಾನಿ ಮೋದಿ ನನಗೆ ನೀಡಿದ್ದರು. ಆದರೆ ನಾನೇ ಅದನ್ನು ತಿರಸ್ಕರಿಸಿದೆ ಎಂದು ಎನ್‌ಸಿಪಿ ಮುಖ್ಯಸ್ಥ ಶರದ್‌ ಪವಾರ್‌ ಹೇಳಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ವೈಯಕ್ತಿಕವಾಗಿ ಇಬ್ಬರ ಬಾಂಧವ್ಯ ಚೆನ್ನಾಗಿದೆ. ಆದರೆ ಆಫ‌ರ್‌ ಒಪ್ಪಿಕೊಳ್ಳಲು ಮನಸ್ಸಾಗಲಿಲ್ಲ ಎಂದಿದ್ದಾರೆ.

ಇದೇ ವೇಳೆ ತಮ್ಮನ್ನು ರಾಷ್ಟ್ರಪತಿ ಮಾಡುವ, ಪುತ್ರಿ ಸುಪ್ರಿಯಾ ಸುಳೆಗೆ ಕೇಂದ್ರದಲ್ಲಿ ಸಚಿವ ಸ್ಥಾನ ನೀಡುವ ಭರವಸೆಯನ್ನು ಮೋದಿ ನೀಡಿದ್ದರು ಎಂಬ ಸುದ್ದಿಯನ್ನು ಅಲ್ಲಗಳೆದ ಅವರು, ಅಂಥ ಚರ್ಚೆಯೇ ನಡೆದಿರಲಿಲ್ಲ ಎಂದಿದ್ದಾರೆ.