ಮತದಾರರ ಪಟ್ಟಿಯಲ್ಲಿ ಹೆಸರು ನೋಂದಾಯಿಸಿಕೊಳ್ಳಿ

ಶಿಗ್ಗಾವಿ: ಮತದಾರರ ಪಟ್ಟಿಯಲ್ಲಿ ಪದವೀಧರರು ಹೆಸರು ನೋಂದಾಯಿಸಿಕೊಳ್ಳಬೇಕು ಎಂದು ಕರ್ನಾಟಕ ಪ್ರದೇಶಕಾಂಗ್ರೆಸ್‌ ಸಮಿತಿ ಪದವೀಧರ ಘಟಕದ ರಾಜ್ಯಾಧ್ಯಕ್ಷ ಡಾ|ಆರ್‌.ಎಂ. ಕುಬೇರಪ್ಪ ಹೇಳಿದರು.

ಪಟ್ಟಣದಲ್ಲಿ ನಡೆದ ಪದವೀಧರರ ನೋಂದಣಿ ಮಾಡಿಸುವ ಕಾರ್ಯಕ್ರಮದ ಕುರಿತು ತಾಲೂಕು ಬ್ಲಾಕ್‌ ಕಾಂಗ್ರೆಸ್‌ ಪದಾಧಿಕಾರಿಗಳು ಹಾಗೂ ಕಾರ್ಯಕರ್ತರ ಪೂರ್ವಭಾವಿ ಸಭೆಯಲ್ಲಿ ಅವರು ಮಾತನಾಡಿದರು. ಮೊದಲ ಹಂತದ ನೋಂದಣಿ ಕಾರ್ಯಕ್ರಮ ಅ.1ರಿಂದ ನ.6ಕ್ಕೆ ಮುಕ್ತಾಯವಾಗುತ್ತದೆ. ನೋಂದಣಿ ಮಾಡಿಸಲು ಕಾರ್ಯಪ್ರವೃತ್ತರಾಗುವಂತೆ ಪದಾಧಿಕಾರಿಗಳು ಹಾಗೂ ಕಾರ್ಯಕರ್ತರಿಗೆ ಸಲಹೆ ನೀಡಿದರು.

ತಾಲೂಕು ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಎಂ.ಎನ್‌. ವೆಂಕೋಜಿ, ಚಂದ್ರಣ್ಣ ನಡುವಿನಮನಿ, ಬಸನಗೌಡ್ರ ದುಂಡಿಗೌಡ್ರ, ಎಸ್‌. ಎಫ್‌. ಮಣಕಟ್ಟಿ, ಜಿಪಂ ಸದಸ್ಯ ಬಸವರಾಜ ದೇಸಾಯಿ, ಶಿವಾನಂದ ಬಾಗೂರ, ಪ್ರದೀಪ ಗಿರೆಡ್ಡಿ, ಮಲ್ಲಿಕಾರ್ಜುನಗೌಡ್ರ ಪಾಟೀಲ, ಗುರನಗೌಡ್ರ ಪಾಟೀಲ, ಗುಡ್ಡಪ್ಪ ಜಲ್ದಿ, ಕಿರಣ ಪಾಟೀಲ, ಅಬ್ದುಲ್‌ ಕರೀಮ ಮೊಗಲಲ್ಲಿ ಇತರರಿದ್ದರು