ಈ ನೂತನ ನೀತಿಯಿಂದಾಗಿ ದೇಶದಲ್ಲೇ ಉತ್ಪಾದನ ಘಟಕ ಸ್ಥಾಪಿಸುವುದರ ಜತೆಗೆ ಕನಿಷ್ಠ 4,150 ಕೋ. ರೂ. ಹೂಡಿಕೆ ಮಾಡುವ ವಿದೇಶಿ ಕಂಪೆನಿಗಳಿಗೆ ಇವಿ ವಾಹನಗಳ ಆಮದು ತೆರಿಗೆಯಲ್ಲಿ ವಿನಾಯಿತಿ ಸಿಗಲಿದೆ. ಈ ವಿದೇಶಿ ಕಂಪೆನಿಗಳು 3 ವರ್ಷಗಳೊಳಗೆ ಭಾರತದಲ್ಲಿ ಉತ್ಪಾದನ ಘಟಕ ಸ್ಥಾಪಿಸಬೇಕು. ಜತೆಗೆ ಶೇ.25ರಷ್ಟು ಬಿಡಿಭಾಗಗಳನ್ನು ದೇಶೀಯವಾಗಿ ಖರೀದಿಸಬೇಕು.
Advertisement
ಇನ್ನೊಂದೆಡೆ, ಈ ಕಂಪೆನಿಗಳು ವಾರ್ಷಿಕವಾಗಿ 8,000 ಎಲೆಕ್ಟ್ರಿಕ್‌ ವಾಹನಗಳನ್ನು ಆಮದು ಮಾಡಿಕೊಳ್ಳಲು ಮಾತ್ರ ಅವಕಾಶ ಇರಲಿದೆ. ಜತೆಗೆ 29 ಲಕ್ಷ ರೂ. ಮತ್ತು ಅದಕ್ಕಿಂತ ಹೆಚ್ಚಿನ ಮೌಲ್ಯದ ಇವಿ ವಾಹನಗಳ ಆಮದಿನ ಮೇಲೆ ಕೇವಲ ಶೇ.15ರಷ್ಟು ಆಮದು ಸುಂಕ ವಿಧಿಸಲಾಗುತ್ತದೆ. ಪಸ್ತುತ ಇತರ ಕಾರುಗಳಿಗೆ, ಅದರ ಬೆಲೆಗಳಿಗೆ ಅನುಸಾರವಾಗಿ ಶೇ.70ರಿಂದ ಶೇ.100ರಷ್ಟು ಆಮದು ಸುಂಕ ವಿಧಿಸಲಾಗುತ್ತಿದೆ.
ಕನಿಷ್ಠ 4,150 ಕೋಟಿ ರೂ. ಹೂಡಿಕೆ ಮಾಡಿದರೆ ವಿದೇಶಿ ಕಂಪೆನಿಗಳಿಗೆ ಆಮದು ತೆರಿಗೆಯಲ್ಲಿ ವಿನಾಯಿತಿ ಆ ಕಂಪನಿಗಳು 3 ವರ್ಷಗಳೊಳಗೆ ಭಾರತದಲ್ಲಿ ಉತ್ಪಾದನ ಘಟಕ ಸ್ಥಾಪಿಸಬೇಕು.
ಘಟಕ ಸ್ಥಾಪಿಸುವ ಕಂಪೆನಿಗಳು ಶೇ.25ರಷ್ಟು ಬಿಡಿಭಾಗಗಳನ್ನು ದೇಶೀಯವಾಗಿ ಖರೀದಿಸಬೇಕು.
29 ಲಕ್ಷ ರೂ. ಮತ್ತು ಅದಕ್ಕಿಂತ ಹೆಚ್ಚಿನ ಮೌಲ್ಯದ ಇವಿ ವಾಹನಗಳ ಆಮದಿನ ಮೇಲೆ ಕೇವಲ ಶೇ.15ರಷ್ಟು ಆಮದು ಸುಂಕ.
ವಾರ್ಷಿಕವಾಗಿ 8,000 ಎಲೆಕ್ಟ್ರಿಕ್‌ ವಾಹನಗಳನ್ನು ಆಮದು ಮಾಡಿಕೊಳ್ಳಲು ಮಾತ್ರ ಅವಕಾಶ.
ವಾಯುಮಾಲಿನ್ಯ ತಗ್ಗಿಸುವ ಜತೆಗೆ ಕಚ್ಚಾ ತೈಲ ಆಮದು ಕಡಿಮೆ ಮಾಡುವ ಉದ್ದೇಶ