ವಿಟ್ಲ : ವಿಟ್ಲ ವಲಯ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಮತ್ತು ವಿಟ್ಲಮುಟ್ನೂರು ಗ್ರಾ.ಪಂ ವತಿಯಿಂದ ಕೊಳವೆ ಬಾವಿ ಜಲಮರುಪೂರಣ ಮಾಹಿತಿ ಮತ್ತು ಪ್ರಾತ್ಯಕ್ಷಿಕೆ ಕಾರ್ಯಕ್ರಮ ಕಂಬಳಿಮೂಲೆ ಚಾಮುಂಡೇಶ್ವರಿ ಪ್ರಗತಿಬಂಧು ಸಂಘದ ಸದಸ್ಯ ಧನಂಜಯ ಅವರ ಮನೆಯಲ್ಲಿ ನಡೆಯಿತು.
ಆಲಂಗಾರು “ಎ’ ಒಕ್ಕೂಟದ ಅಧ್ಯಕ್ಷ ಎಸ್‌. ಶೀನಪ್ಪ ನಾಯ್ಕ ಅಧ್ಯಕ್ಷತೆ ವಹಿಸಿದ್ದರು. ವಿಟ್ಲಮುಟ್ನೂರು ಗ್ರಾ.ಪಂ. ಪಿ.ಡಿ.ಒ. ಅಬ್ದುಲ್‌ ಕರೀಂ ಕಾರ್ಯಕ್ರಮ ಉದ್ಘಾಟಿಸಿದರು.
ವಿಟ್ಲ ವಲಯದ ಮೇಲ್ವಿಚಾರಕಿ ಪ್ರೇಮಾ ಪ್ರಾಸ್ತಾವಿಕವಾಗಿ ಮಾತನಾಡಿ ದರು. ಬಂಟ್ವಾಳ ತಾಲೂಕು ಕೃಷಿ ಅಧಿಕಾರಿ ನಾರಾಯಣ ಕೊಳವೆ ಬಾವಿ ಜಲಮರುಪೂರಣದ ಕುರಿತು ಮಾಹಿತಿ ನೀಡಿದರು.
ವಿಟ್ಲಮುಟ್ನೂರು ಗ್ರಾ.ಪಂ.ಅಧ್ಯಕ್ಷೆ ಪ್ರೇಮಲತಾ ಪಟ್ಲ, ವಿಟ್ಲ ವಲಯಾಧ್ಯಕ್ಷ ನರಸಿಂಹ ಬಲ್ಲಾಳ್‌, ಕೃಷ್ಣಪ್ಪ ಮೂಲ್ಯ ಕಂಬಳಿಮೂಲೆ, ವಿಟ್ಲ ವಲಯದ ಸೇವಾಪ್ರತಿನಿಧಿಗಳು, ಒಕ್ಕೂಟದ ಅಧ್ಯಕ್ಷರು , ಸದಸ್ಯರು ಉಪಸ್ಥಿತರಿದ್ದರು.
ಹೊನ್ನಪ್ಪ ಪೂಜಾರಿ ಬೋಳಿಗದ್ದೆ ಸ್ವಾಗತಿಸಿ, ಭಾಸ್ಕರ ವಂದಿಸಿದರು. ಮೋಹನ್‌ ಎಸ್‌.ಪಿ. ಕಾರ್ಯಕ್ರಮ ನಿರೂಪಿಸಿದರು.
