Temparature: 2023ರ ಬೇಸಿಗೆಯಲ್ಲಿ ದಾಖಲೆಯ ತಾಪಮಾನ

ನವದೆಹಲಿ: 2023ರ ಜೂನ್‌ನಿಂದ ಆಗಸ್ಟ್‌ವರೆಗಿನ ಬೇಸಿಗೆ ಕಾಲವು ಅತ್ಯಂತ ಹೆಚ್ಚಿನ ತಾಪಮಾನವನ್ನು ಹೊಂದಿದ್ದು, ಇದು ಈವರೆಗೆ ದಾಖಲಾದ ತಾಪಮಾನ ಪ್ರಮಾಣದಲ್ಲೇ ಅತ್ಯಧಿಕ ಎಂದು ಯುರೋಪಿಯನ್‌ ಯೂನಿಯನ್‌ ಹವಾಮಾನ ಬದಲಾವಣೆ ಸೇವಾ ಸಮಿತಿ ಬಿಡುಗಡೆಗೊಳಿಸಿದ ವರದಿಯಲ್ಲಿ ತಿಳಿಸಲಾಗಿದೆ.

ವರದಿಗಳ ಪ್ರಕಾರ, ಕಳೆದ ಈ ಮೂರು ತಿಂಗಳಲ್ಲಿ ಸರಾಸರಿ ತಾಪಮಾನವು 16.8 ಡಿಗ್ರಿ ಸೆಲ್ಸಿಯಸ್‌ ತಲುಪಿದ್ದು, ಇದು ಈ ಹಿಂದಿನ ಎಲ್ಲ ದಾಖಲೆಗಳನ್ನೂ ಮೀರಿಸಿದೆ. ಕಳೆದ ತಿಂಗಳಷ್ಟೇ ಆಗಸ್ಟ್‌ ಅನ್ನು ಜಾಗತಿಕವಾಗಿ ಅತ್ಯಂತ ತಾಪಮಾನ ದಾಖಲಿಸಿದ ತಿಂಗಳೆಂದು ಹೇಳಲಾಗಿತ್ತು. ಈ ಬೆನ್ನಲ್ಲೇ 2023ರ ಬೇಸಿಗೆಯ ಬಗ್ಗೆ ವರದಿ ಬಂದಿರುವುದು ಜಾಗತಿಕ ಹವಾಮಾನ ಬದಲಾವಣೆಯ ಬಗ್ಗೆ ಕಾಳಜಿ ಹೆಚ್ಚಿಸಿದೆ.