Record;ಅಮರನಾಥ ಯಾತ್ರೆಗೆ 4.65 ಲಕ್ಷ ಭಕ್ತರು

ಶ್ರೀನಗರ: ಈ ವರ್ಷದ ಅಮರನಾಥ ಯಾತ್ರೆಯಲ್ಲಿ 4.65 ಲಕ್ಷಕ್ಕೂ ಹೆಚ್ಚು ಭಕ್ತರು ಪಾಲ್ಗೊಂಡು, ಕಳೆದ ವರ್ಷದ ದಾಖಲೆಯನ್ನು ಮೀರಿಸಿದೆ. ಮಾಹಿತಿಯ ಪ್ರಕಾರ, ಸೋಮವಾರ ಒಂದೇ ದಿನ 7,500 ಮಂದಿ ಭಕ್ತರು ಈ 3,880 ಮೀ. ಎತ್ತರದಲ್ಲಿರುವ ಶಿವಲಿಂಗದ ದರ್ಶನ ಪಡೆದಿದ್ದಾರೆ. ಇದರೊಂದಿಗೆ ಈ ವರ್ಷ 4,66,342 ಮಂದಿ ಯಾತ್ರೆ ಕೈಗೊಂಡಂತಾಗಿದೆ. ಕಳೆದ ವರ್ಷ 4.59 ಲಕ್ಷ ಮಂದಿ ಅಮರನಾಥ ಯಾತ್ರೆ ಕೈಗೊಂಡಿದ್ದರು. 31ನೇ ದಿನವಾದ ಸೋಮವಾರ 4,364 ಪುರುಷರು, 1791 ಮಹಿಳೆಯರು, 148 ಸಾಧುಗಳು ಹಾಗೂ ಒಬ್ಬ ಸಾಧ್ವಿ ಅಮರನಾಥ ದರ್ಶನ ಪಡೆದಿದ್ದಾರೆ.