Hemant Soren ವಿರುದ್ಧ ಟೀವಿ, ಫ್ರಿಜ್‌ ಖರೀದಿಸಿದ್ದ ರಶೀದಿ ಸಾಕ್ಷ್ಯ!

ಹೊಸದಿಲ್ಲಿ: ಝಾರ್ಖಂಡ್‌ ಮಾಜಿ ಸಿಎಂ ಹೇಮಂತ್‌ ಸೊರೇನ್‌ ಅಕ್ರಮ ಎಸಗಿದ್ದಾರೆ ಎಂದು ಸಾಬೀತುಪಡಿಸಲು ಜಾರಿ ನಿರ್ದೇಶನಾಲಯ ಟಿವಿ ಮತ್ತು ಫ್ರಿಜ್‌ ಖರೀದಿ ಮಾಡಿರುವ ರಶೀದಿ ಗಳನ್ನು ಸಾಕ್ಷ್ಯವಾಗಿ ಸೇರಿಸಿರುವುದು ಬೆಳಕಿಗೆ ಬಂದಿದೆ.

31 ಕೋ.ರೂ. ಗೂ ಹೆಚ್ಚು ಮೌಲ್ಯ ದ 8.86 ಎಕ್ರೆ ಭೂಮಿಯನ್ನು ಅಕ್ರಮವಾಗಿ ವಶಪಡಿ ಸಿಕೊಂಡಿರುವ ಆರೋಪ ಸೊರೇನ್‌ ಮೇಲಿದೆ. ಇದನ್ನು ಸಾಬೀತುಪಡಿಸಲು ಕಳೆದ ತಿಂಗಳು ಹೇಮಂತ್‌ ಸೊರೇನ್‌ ಸಲ್ಲಿಸಲಾದ ದೋಷಾರೋಪ ಪಟ್ಟಿಯಲ್ಲಿ ಈ ರಶೀದಿಗಳನ್ನು ಸೇರ್ಪಡೆ ಮಾಡಲಾಗಿದೆ. ಈ 2 ಬಿಲ್‌ಗ‌ಳನ್ನು ಇ.ಡಿ. ರಾಂಚಿಯ ಡೀಲರ್‌ಗಳಿಂದ ಪಡೆದುಕೊಂಡಿದೆ ಎನ್ನಲಾಗಿದೆ.