ರಾಜ್‌ ಸಮಾಧಿ ಬಳಿ ರೆಬೆಲ್‌ಸ್ಟಾರ್‌ ಸಮಾಧಿ;ಸಿಎಂ,ರಾಘಣ್ಣ ಹೇಳಿದ್ದೇನು?

ಬೆಂಗಳೂರು: ವರನಟ ಡಾ.ರಾಜ್‌ ಕುಮಾರ್‌ ಅವರ ಸಮಾಧಿ ಬಳಿಯಲ್ಲೇ ರೆಬೆಲ್‌ ಸ್ಟಾರ್‌ ಅಂಬರೀಶ್‌ ಅವರ ಅಂತಿಮ ವಿಧಿವಿಧಾನಗಳನ್ನು ನಡೆಸಿ ಸಮಾಧಿ ನಡೆಸಲು ಸರ್ಕಾರ ತೀರ್ಮಾನಿಸಿದೆ. 

ಮುಖ್ಯಮಂತ್ರಿ ಹೆಚ್‌.ಡಿ.ಕುಮಾರಸ್ವಾಮಿ ಅವರು ಈ ಬಗ್ಗೆ ಸ್ಪಷ್ಟ ನೆ ನೀಡಿದ್ದು, ರಾಜ್‌ ಕುಮಾರ್‌ ಅವರ ಸಮಾಧಿ  ಎದುರುಗಡೆ ಇರುವ ಸರಕಾರಿ ಜಾಗದಲ್ಲಿ ಅಂಬರೀಶ್‌ ಅವರ ಸಮಾಧಿ ನಿರ್ಮಾಣ ಮಾಡುವುದಾಗಿ ತಿಳಿಸಿದ್ದಾರೆ. 

ಎಡಭಾಗದಲ್ಲಿ  ರಾಜ್‌ಕುಮಾರ ಅವರ ಸಮಾಧಿ ಇದ್ದರೆ , ಎದುರುಗಡೆ ಬಲಭಾಗದಲ್ಲಿ ರುವ ಒಂದುವರೆ ಎಕರೆ ಸರಕಾರಿ ಭೂಮಿಯಲ್ಲಿ  ಅಂಬರೀಶ್‌ ಅವರ ಸಮಾಧಿ ನಿರ್ಮಾಣ ಮಾಡುತ್ತೇವೆ.ಇದರಿಂದ  ರಾಜ್‌ ಸ್ಮಾರಕಕ್ಕೂ ಯಾವುದೇ ಅಡಚಣೆ ಆಗುವುದಿಲ್ಲ ಎಂದು ತಿಳಿಸಿದರು. 

ತೀರ್ಮಾನ ಮಾಡಲು ನಾವ್ಯಾರು? 
ರಾಘವೇಂದ್ರ ರಾಜ್‌ಕುಮಾರ್‌ ಅವರು ಅಂತಿಮ ದರ್ಶನಕ್ಕೆ ಆಗಮಿಸಿದ ವೇಳೆ ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿ ಇದೆಲ್ಲಾ ತೀರ್ಮಾನ ಮಾಡಲಿಕ್ಕೆ ನಾವು ಯಾರು ? ಸರಕಾರ, ಕಲಾವಿದರ ಸಂಘ ಏನು ತೀರ್ಮಾನ ಮಾಡುತ್ತದೆಯೋ ಅದಕ್ಕೆ ನಾವು ಬದ್ಧ ಎಂದಿದ್ದಾರೆ. 

ಅಂಬರೀಶ್‌ ಅವರು ಚಿತ್ರರಂಗಕ್ಕೆ ತಂದೆಯ ಸಮಾನವಾಗಿದ್ದರು. ದಿನದ 24 ಗಂಟೆಯೂ ಚಿತ್ರ ರಂಗದ ಬಗ್ಗೆ ಯೋಚನೆ ಮಾಡುತ್ತಿದ್ದರು. ಅವರ ದೇಹ ಹೋಗಿರಬಹುದು ಆದರೆ ಆತ್ಮ ಸದಾ ನಮ್ಮೊಂದಿಗೆ ಇರುತ್ತದೆ ಎಂದರು.