RBI: ಯುಪಿಐ ಸಾಲ ನೀಡುವ ಅಧಿಕಾರ ಸಣ್ಣ ಹಣಕಾಸು ಬ್ಯಾಂಕ್‌ಗೂ ವಿಸ್ತರಣೆ

ಹೊಸದಿಲ್ಲಿ: ಯುಪಿಐ ಮೂಲಕ ಸಾಲ ನೀಡುವ ಅಧಿಕಾರವನ್ನು ಸಣ್ಣ ಹಣಕಾಸು ಬ್ಯಾಂಕ್‌ಗಳಿಗೂ ಆರ್‌ಬಿಐ ಶುಕ್ರವಾರ ವಿಸ್ತರಣೆ ಮಾಡಿದೆ.

ಈ ಮೊದಲು ದೊಡ್ಡ ವಾಣಿಜ್ಯ ಬ್ಯಾಂಕ್‌ಗಳಿಗೆ ಮಾತ್ರ ಈ ಅವಕಾಶ ನೀಡಲಾಗಿತ್ತು. ಯುಪಿಐ ಮೂಲಕ ಸಾಲ ನೀಡುವ ಯೋಜನೆಯನ್ನು 2023ರ ಸೆಪ್ಟಂಬರ್‌ನಲ್ಲಿ ಆರ್‌ಬಿಐ ಆರಂಭಿಸಿತ್ತು. ಇದು ಗ್ರಾಹಕರಿಗೆ ಸುಲಭವಾಗಿ ಹಣ ಒದಗಿಸುವುದಲ್ಲದೇ, ಹೆಚ್ಚಿನ ದಾಖಲೆಗಳ ಆವಶ್ಯಕತೆ ಇಲ್ಲದೇ ಔಪಚಾರಿಕ ಸಾಲವನ್ನು ಹೆಚ್ಚಿಸುತ್ತದೆ ಎಂಬ ಕಾರಣಕ್ಕೆ ಜಾರಿಗೆ ತರಲಾಗಿತ್ತು.

ಅಲ್ಲದೇ ಈ ಸಾಲದ ಮರುಪಾವತಿ ಯನ್ನು ಯುಪಿಐ ಮೂಲಕವೇ ಮಾಡಲು ಅವಕಾಶ‌ ಒದಗಿಸಲಾಗಿತ್ತು. ದೊಡ್ಡ ಬ್ಯಾಂಕ್‌ಗಳು ಈಗಾಗಲೇ ಯುಪಿಐ ಬಳಕೆ ಮಾಡುವ ಆ್ಯಪ್‌ಗ್ಳ ಮೂಲಕ ಗ್ರಾಹಕರಿಗೆ ಸಾಲ ಒದಗಿಸುತ್ತಿದ್ದವು.