ನ.3ರಂದು ಆರ್‌ಬಿಐ ವಿಶೇಷ ಸಭೆ

ಮುಂಬೈ: ಭಾರತೀಯ ರಿಸರ್ವ್‌ ಬ್ಯಾಂಕ್‌ನ ವಿತ್ತೀಯ ಸಲಹಾ ಸಮಿತಿಯ ವಿಶೇಷ ಸಭೆ ನ.3ರಂದು ನಡೆಯಲಿದೆ.

ಹಣದುಬ್ಬರದ ಪ್ರಮಾಣವನ್ನು ಶೇ.6ಕ್ಕಿಂತ ಕಡಿಮೆ ಮಟ್ಟದಲ್ಲಿ ಇರಿಸಲು ವಿಫ‌ಲವಾಗಿರುವ ಹಿನ್ನೆಲೆಯಲ್ಲಿ ಸಭೆಯಲ್ಲಿ ಪರಾಮರ್ಶೆ ನಡೆಸಲಾಗುತ್ತದೆ ಎಂದು ಗುರುವಾರ ಬಿಡುಗಡೆ ಮಾಡಲಾಗಿರುವ ಹೇಳಿಕೆಯಲ್ಲಿ ತಿಳಿಸಲಾಗಿದೆ.

ಆರ್‌ಬಿಐ ಕಾಯ್ದೆ 45ಜೆಡ್‌ಎನ್‌ರ ಅನ್ವಯ ಈ ಸಭೆ ನಡೆಯಲಿದೆ. ಈಗಾಗಲೇ ಚಿಲ್ಲರೆ ಮಾರುಕಟ್ಟೆ ಹಣದುಬ್ಬರ ಪ್ರಮಾಣ ಶೇ.6ಕ್ಕಿಂತ ಮೇಲೆ ಇದೆ.