ಹತ್ತು ರೂಪಾಯಿ ಎಲ್ಲ ನಾಣ್ಯಗಳೂ ಚಲಾವಣೆಯಲ್ಲಿವೆ

ಮುಂಬೈ: ಮಾರುಕಟ್ಟೆಯಲ್ಲಿ ಚಲಾವಣೆಯಲ್ಲಿರುವ ಹತ್ತು ರೂ.ಗಳ ಎಲ್ಲ 14 ಮಾದರಿಗಳೂ ಚಲಾವಣೆಯಲ್ಲಿವೆ ಹಾಗೂ ಮಾನ್ಯತೆ ಪಡೆದಿವೆ. ಹೀಗೆಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಬುಧವಾರ ತಿಳಿಸಿದೆ. 

ಈ ಬಗ್ಗೆ ಪ್ರಕಟಣೆ ಹೊರಡಿಸಿರುವ ಆರ್‌ಬಿಐ ದೇಶದ ಹಲವು ಭಾಗಗಳಲ್ಲಿ ಹತ್ತು ರೂ.ನಾಣ್ಯದ ಕೆಲ ಮಾದರಿಯನ್ನು ಚಲಾವಣೆಗೆ ಸ್ವೀಕರಿಸದೇ ಇರುವ ಬಗ್ಗೆ ವರದಿಗಳು ಬರುತ್ತಿವೆ. ಅವುಗಳನ್ನು ಎಲ್ಲಿಯೂ ಕಾನೂನು ಬಾಹಿರ ಎಂದು ಹೇಳಿಲ್ಲ ಎಂದು ಆರ್‌ಬಿಐ ಸ್ಪಷ್ಟನೆ ನೀಡಿದೆ.