ಹಿಂದಿಯ ಟಿಪ್‌… ಟಿಪ್‌… ಬರ್ಸಾ ಪಾನಿ… ಹಾಡಿಗೆ ನಡು ಬಳುಕಿಸಿ 90ರ ದಶಕದಲ್ಲಿ ಪಡ್ಡೆಗಳ ಹೃದಯಕ್ಕೆ ಕನ್ನ ಹಾಕಿದ್ದ ಬಾಲಿವುಡ್ ಚೆಲುವೆ ರವೀನಾ ಟಂಡನ್‌, ನಂತರ ನಟ ಕಂ ನಿರ್ದೇಶಕ ಉಪೇಂದ್ರ ಅವರ ಉಪೇಂದ್ರ ಚಿತ್ರದ ಮೂಲಕ ನಾಯಕ ನಟಿಯಾಗಿ ಚಂದನವನಕ್ಕೂ ಕಾಲಿಟ್ಟಿದ್ದರು. ಅದರಲ್ಲೂ ಉಪೇಂದ್ರ ಚಿತ್ರದ ಮಸ್ತ್.. ಮಸ್ತ್… ಹುಡುಗಿ ಬಂದ್ಲು ಹಾಡಿಗೆ ಬೋಲ್ಡ್‌ ಆ್ಯಂಡ್‌ ಗ್ಲಾಮರಸ್‌ ಆಗಿ ಹೆಜ್ಜೆ ಹಾಕಲಿದ್ದ ರವೀನಾ ತಮ್ಮ ನಟನೆ ಮತ್ತು ಸೌಂದರ್ಯದಿಂದ ಒಂದೇ ಚಿತ್ರದಲ್ಲಿ ದೊಡ್ಡ ಅಭಿಮಾನಿ ವರ್ಗವನ್ನೇ ಸೃಷ್ಟಿಸಿದ್ದರು. ಇನ್ನೇನು ರವೀನಾ ಇತರ ಬಾಲಿವುಡ್ ನಾಯಕಿಯರಂತೆ ಕನ್ನಡದಲ್ಲಿ ಗಟ್ಟಿಯಾಗಿ ನೆಲೆಯೂರುತ್ತಾರೆ ಎಂದು ಚಿತ್ರರಂಗ ಅಂದುಕೊಳ್ಳುವ ವೇಳೆಗೆ, ಬಾಲಿವುಡ್‌ಗೆ ಯೂ-ಟರ್ನ್ ತೆಗೆದುಕೊಂಡ ರವೀನಾ ಟಂಡನ್‌, ಹಿಂದಿಯ ಖ್ಯಾತ ನಿರ್ಮಾಪಕ, ವಿತರಕ ಅನಿಲ್‌ ತಡಾನಿ ಅವರ ಕೈಹಿಡಿದು ಹಸೆಮಣೆ ಏರಿದರು. ವೈವಾಹಿಕ ಜೀವನಕ್ಕೆ ಅಡಿಯಿಟ್ಟ ನಂತರ ಚಿತ್ರರಂಗದಿಂದ ಒಂದಷ್ಟು ಅಂತರವನ್ನು ಕಾಯ್ದುಕೊಂಡ ರವೀನಾ, ಜಾಹೀರಾತುಗಳು, ಕೆಲ ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದು, ಒಂದಷ್ಟು ವಿವಾದಗಳ ಮೂಲಕ ಮಾಧ್ಯಮಗಳಲ್ಲಿ ಸುದ್ದಿಯಾಗಿ ಕಾಣಿಸಿಕೊಂಡಿದ್ದು ಬಿಟ್ಟರೆ ಬೆಳ್ಳಿತೆರೆ ಮೇಲೆ ನಟಿಯಾಗಿ ಕಾಣಿಸಿಕೊಂಡಿದ್ದು ತೀರಾ ಅಪರೂಪ.
ಇನ್ನು ಚಿತ್ರರಂಗಕ್ಕೆ ರೀ-ಎಂಟ್ರಿ ಕೊಡುವ ಬಗ್ಗೆ ಆಗಾಗ್ಗೆ ಕೇಳಿಬರುತ್ತಿದ್ದ ಪ್ರಶ್ನೆಗಳಿಗೆ, ತನಗೆ ಇಷ್ಟವಾಗುವ ಕಥೆಗಳು, ಪಾತ್ರಗಳು ಉತ್ತಮ ತಂತ್ರಜ್ಞರ ತಂಡ ಸಿಕ್ಕರೆ ಅಭಿನಯಿಸುವುದಾಗಿ ಹೇಳುತ್ತಿದ್ದರೂ, ಇಲ್ಲಿಯವರೆಗೂ ಅಂಥ ಯಾವುದೇ ಚಿತ್ರಗಳಲ್ಲಿ ರವೀನಾ ಕಾಣಿಸಿಕೊಂಡಿರಲಿಲ್ಲ. ಆದರೆ, ಇದೀಗ ಎರಡು ದಶಕದ ನಂತರ ರವೀನಾ ಮತ್ತೂಮ್ಮೆ ಕನ್ನಡದತ್ತ ಮುಖ ಮಾಡಿದ್ದು, ಚಿತ್ರರಂಗದಲ್ಲಿ ತಮ್ಮ ಸೆಕೆಂಡ್‌ ಇನ್ನಿಂಗ್ಸ್‌ ಅನ್ನು ಕನ್ನಡ ಚಿತ್ರರಂಗದ ಮೂಲಕವೇ ಶುರು ಮಾಡುವ ಯೋಚನೆಯಲ್ಲಿದ್ದಾರೆ.
ಹೌದು, ಕೆಜಿಎಫ್ ಚಾಪ್ಟರ್‌-2 ಬಹುಕೋಟಿ ವೆಚ್ಚದಲ್ಲಿ, ಬಹುತಾರಾಗಣದಲ್ಲಿ ನಿರ್ಮಾಣವಾಗುತ್ತಿದ್ದು, ಚಿತ್ರದಲ್ಲಿ ಮಹತ್ವವಿರುವ ಪಾತ್ರದಲ್ಲಿ ರವೀನಾ ನಟಿಸುತ್ತಿದ್ದಾರೆ. ಕೆಜಿಎಫ್ ಚಾಪ್ಟರ್‌- 1 ಆರಂಭದ ದೃಶ್ಯದಲ್ಲಿ ಓರ್ವ ರಾಜಕಾರಣಿ ಮಹಿಳೆ ದಾಖಲೆ ಒಂದಕ್ಕೆ ಸಹಿ ಹಾಕುವ ದೃಶ್ಯ ಇದೆ. ಆ ಪಾತ್ರದ ಹೆಸರು ರಮಿಕಾ ಸೇನ್‌. ಈ ರಮಿಕಾ ಪಾತ್ರದಲ್ಲೇ, ರವೀನಾ ನಟಿಸುತ್ತಿದ್ದಾರೆ. ಚಿತ್ರತಂಡ ಈಗಾಗಲೇ ರವೀನಾ ಜೊತೆ ಚರ್ಚಿಸಿದ್ದು, ರವೀನಾ ನಟಿಸೋಕೆ ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದಾರೆ. ಈ ಮೂಲಕ ಸ್ಯಾಂಡಲ್ ವುಡ್‌ನ‌ಲ್ಲಿ ರವೀನಾ ಮತ್ತೂಂದು ಇನ್ನಿಂಗ್ಸ್‌ ಶುರು ಮಾಡೋಕೆ ವೇದಿಕೆ ಸಿದ್ಧವಾಗಿದೆ.
ಅಂದ್ಹಂಗೆ ರವೀನಾ ಪತಿ ಅನಿಲ…ಗೂ ತಡಾನಿ ಅವರೇ ಕೆಜಿಎಫ್ ಸಿನಿಮಾವನ್ನು ಹಿಂದಿಯಲ್ಲಿ ವಿತರಣೆ ಮಾಡಿದ್ದರಿಂದ, ರವೀನಾಗೂ ವೈಯಕ್ತಿಕವಾಗಿ ಕೆಜಿಎಫ್ ಸಿನಿಮಾ ಹತ್ತಿರವಾಗಿದೆ. ಒಟ್ಟಾರೆ ರೀ-ಎಂಟ್ರಿ ಕೊಡುತ್ತಿರುವ ರವೀನಾ ಮತ್ತೂಮ್ಮೆ ಕನ್ನಡ ಪ್ರೇಕ್ಷಕರಿಗೆ ಎಷ್ಟರ ಮಟ್ಟಿಗೆ ಅಚ್ಚುಮೆಚ್ಚಾಗುತ್ತಾರೆ ಅನ್ನೋದಕ್ಕೆ ಉತ್ತರ ಸಿಗಬೇಕಾದರೆ, ಕೆಜಿಎಫ್ ಚಾಪ್ಟರ್‌-2 ತೆರೆಗೆ ಬರುವವರೆಗೂ ಕಾಯಬೇಕು.
