ಅಮೆರಿಕ: ಪಾರ್ಟಿಯಲ್ಲಿ ಶೂಟೌಟ್‌: ನಾಲ್ವರಿಗೆ ಗಾಯ

ಲಾಸ್‌ಏಂಜಲೀಸ್‌: ಅಮೆರಿಕದ ಲಾಸ್‌ಏಂಜಲೀಸ್‌ನಲ್ಲಿ ಕೆನಡಾದ ಜನಪ್ರಿಯ ಹಾಡುಗಾರ ಜಸ್ಟಿನ್‌ ಬೈಬರ್‌ ಅವರ ಸಂಗೀತ ಗೋಷ್ಠಿಯ ಬಳಿಕ ನಡೆದ ಪಾರ್ಟಿಯಲ್ಲಿ ಗುಂಡು ಹಾರಾಟ ನಡೆಸಲಾಗಿದ್ದು, ನಾಲ್ವರಿಗೆ ಗಾಯಗಳಾಗಿವೆ.

ಶನಿವಾರ ತಡರಾತ್ರಿ ಈ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಗಾಯಗೊಂಡವರ ವಿವರಗಳನ್ನು ಲಾಸ್‌ಏಂಜಲೀಸ್‌ನ ಪೊಲೀಸ್‌ ಇಲಾಖೆ ಬಹಿರಂಗಪಡಿಸಿಲ್ಲ.

ಗಾಯಗೊಂಡವರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಮತ್ತು ಅವರ ಸ್ಥಿತಿ ಸುಧಾರಿಸಿದೆ ಎಂದು ಹೇಳಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಗುಂಡು ಹಾರಾಟದ ವೀಡಿಯೋಗಳನ್ನು ಅಪ್‌ಲೋಡ್‌ ಮಾಡಲಾಗಿದೆ.