ಯುವ ದಸರಾದಲ್ಲಿ ರಾನು ಮಂಡಲ್‌ ಕಾರ್ಯಕ್ರಮ

ಮೈಸೂರು: ದಸರಾ ಮಹೋತ್ಸವದ ಅಂಗವಾಗಿ ಮಹಾರಾಜ ಕಾಲೇಜು ಮೈದಾನದಲ್ಲಿ ನಡೆಯುವ ಯುವ ದಸರಾದಲ್ಲಿ ತೇರಿ ಮೇರಿ ಕಹಾನಿ ಗೀತೆಯ ಮೂಲಕ ಖ್ಯಾತಿಗೆ ಬಂದ ಕೋಲ್ಕತಾದ ರಾನು ಮಂಡಲ್‌ ಕಾರ್ಯಕ್ರಮ ನೀಡಲಿದ್ದಾರೆ.

ಅ.1 ರಿಂದ 6 ರವರೆಗೆ ನಡೆಯುವ ಯುವ ದಸರಾದ ಉದ್ಘಾಟನಾ ಸಮಾರಂಭ ಮಂಗಳವಾರ ನಡೆಯಲಿದ್ದು, ಈ ವೇಳೆ ರಾತ್ರಿ 7.30 ರಿಂದ 7.45ರ ಅವಧಿಯಲ್ಲಿ ಗೌರವ ಸಮರ್ಪಣೆ ಮಾಡಲು ರಾನು ಮಂಡಲ್‌ ಅವರನ್ನು ಆಹ್ವಾನಿಸಿದ್ದು, ಗೌರವ ಸ್ವೀಕರಿಸಿದ ಬಳಿಕ ಪ್ರೇಕ್ಷಕರ ಒತ್ತಾಯದ ಮೇರೆಗೆ ರಾನು ಮಂಡಲ್‌ ತಮ್ಮ ಕಂಠಸಿರಿಯನ್ನು ಪ್ರದರ್ಶಿಸಿ, ರಂಜಿಸಲಿದ್ದಾರೆ.