ರಾಂಚಿ, ಗಪ್ಟಿಲ್‌ ಪುನರಾಗಮನ

ವೆಲ್ಲಿಂಗ್ಟನ್‌: ಗಾಯಾಳಾಗಿದ್ದ ನ್ಯೂಜಿಲ್ಯಾಂಡಿನ ವಿಕೆಟ್‌ ಕೀಪರ್‌ ಲ್ಯೂಕ್‌ ರಾಂಚಿ ಮತ್ತು ಆರಂಭಕಾರ ಮಾರ್ಟಿನ್‌ ಗಪ್ಟಿಲ್‌ ತಂಡಕ್ಕೆ ವಾಪಸಾಗಿದ್ದಾರೆ. ಮುಂಬರುವ ದಕ್ಷಿಣ ಆಫ್ರಿಕಾ ಎದುರಿನ ತವರಿನ ಸರಣಿಗಾಗಿ ಪ್ರಕಟಿಸಲಾದ ತಂಡದಲ್ಲಿ ಇವರಿಬ್ಬರೂ ಸ್ಥಾನ ಪಡೆದಿದ್ದಾರೆ.

ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧ ಆಡಲಾಗುವ ಏಕೈಕ ಟಿ-20 ಪಂದ್ಯಕ್ಕೆ ಹಾಗೂ ಮೊದಲ 2 ಏಕದಿನ ಪಂದ್ಯಗಳಿಗೆ ರವಿವಾರ ನ್ಯೂಜಿಲ್ಯಾಂಡ್‌ ತಂಡಗಳನ್ನು ಹೆಸರಿಸಲಾಯಿತು. ಏಕದಿನ ತಂಡದಲ್ಲಿ ಸ್ಪಿನ್ನರ್‌ ಐಶ್‌ ಸೋಧಿ ಸ್ಥಾನ ಉಳಿಸಿಕೊಂಡಿದ್ದಾರೆ. ಆದರೆ ಬ್ಯಾಟ್ಸ್‌ಮನ್‌ ಕಾಲಿನ್‌ ಮುನ್ರೊ ಹೊರಬಿದ್ದಿದ್ದಾರೆ. ಸ್ನಾಯು ಸೆಳೆತಕ್ಕೆ ಸಿಲುಕಿದ ಗಪ್ಟಿಲ್‌ ಆಸ್ಟ್ರೇಲಿಯ ಎದುರಿನ ಕೊನೆಯ 2 ಪಂದ್ಯಗಳಿಂದ ಹೊರಗುಳಿದಿದ್ದರು.

ಏಕದಿನ ತಂಡ: ಕೇನ್‌ ವಿಲಿಯಮ್ಸನ್‌ (ನಾಯಕ), ಟ್ರೆಂಟ್‌ ಬೌಲ್ಟ್, ನೀಲ್‌ ಬ್ರೂಮ್‌, ಲೋಕಿ ಫ‌ರ್ಗ್ಯುಸನ್‌, ಕಾಲಿನ್‌ ಡಿ ಗ್ರ್ಯಾಂಡ್‌ಹೋಮ್‌, ಮಾರ್ಟಿನ್‌ ಗಪ್ಟಿಲ್‌, ಮ್ಯಾಟ್‌ ಹೆನ್ರಿ, ಟಾಮ್‌ ಲ್ಯಾಥಂ, ಜೇಮ್ಸ್‌ ನೀಶಮ್‌, ಲ್ಯೂಕ್‌ ರಾಂಚಿ, ಮಿಚೆಲ್‌ ಸ್ಯಾಂಟ್ನರ್‌, ಟಿಮ್‌ ಸೌಥಿ, ಐಶ್‌ ಸೋಧಿ, ರಾಸ್‌ ಟಯ್ಲರ್‌.