Hemanth Soren: ಇ.ಡಿ.ಗೆ ಅವಿಧೇಯತೆ ಆರೋಪ: ಸೊರೇನ್‌ಗೆ ಕೋರ್ಟ್‌ ಸಮನ್ಸ್‌

ರಾಂಚಿ: ಅಕ್ರಮ ಹಣವರ್ಗಾವಣೆ ಪ್ರಕರಣ ಸಂಬಂಧಿಸಿದಂತೆ ಪ್ರಸಕ್ತ ಜೈಲಿನಲ್ಲಿರುವ ಜಾರ್ಖಂಡ್‌ನ‌ ಮಾಜಿ ಸಿಎಂ ಹೇಮಂತ್‌ ಸೊರೇನ್‌ಗೆ ಇದೀಗ ಜಾರಿ ನಿದೇರ್ಶನಾಲಯಕ್ಕೆ (ಇ.ಡಿ) ಅವಿಧೇಯತೆ ತೋರಿರುವ ಆರೋಪದಲ್ಲಿ ರಾಂಚಿ ನ್ಯಾಯಾಲಯ ಸಮನ್ಸ್‌ ಜಾರಿಗೊಳಿಸಿದೆ.

ಅಕ್ರಮ ಹಣವರ್ಗಾವಣೆ (ತಡೆ) ಕಾಯ್ದೆ (ಪಿಎಂಎಲ್‌ಎ) ಅನ್ವಯ ಸೊರೇನ್‌ಗೆ 2023ರ ಆ. 14ರಿಂದ ಒಟ್ಟು 7 ಬಾರಿ ಇ.ಡಿ. ಸಮನ್ಸ್‌ ಜಾರಿಗೊಳಿಸಿದ್ದರೂ, ಸೊರೇನ್‌ ವಿಚಾರಣೆಗೆ ಹಾಜರಾಗಿರಲಿಲ್ಲ ಎಂದು ಆರೋಪಿಸಿ ಇಡಿ ಕಳೆದ ತಿಂಗಳು ಸೊರೇನ್‌ ವಿರುದ್ಧ ದೂರು ದಾಖಲಿಸಿತ್ತು. ಪ್ರಕರಣದಲ್ಲಿ ಸೊರೇನ್‌ ಅವರನ್ನು ತಪ್ಪಿತಸ್ಥರೆಂದು ನ್ಯಾಯಾಲಯ ಪರಿಗಣಿಸಿದೆ.