Ramya: ಗೆಳೆಯನ ಜತೆಗಿನ ರಮ್ಯಾ ಫೋಟೋ ವೈರಲ್‌

ನಟಿ ರಮ್ಯಾ ತಮ್ಮ ಈ ವರ್ಷದ ಹುಟ್ಟುಹಬ್ಬವನ್ನು ಕಿನ್ಯಾ ದೇಶದ ಮಾಸಾಯಿ ಮಾರ ಮೀಸಲು ಪ್ರದೇಶದಲ್ಲಿ ತಮ್ಮ ಸ್ನೇಹಿತನೊಂದಿಗೆ ಆಚರಿಸಿಕೊಂಡಿದ್ದಾರೆ.

ಕೀನ್ಯಾದಲ್ಲಿನ ಅವರ ಫೋಟೋಗಳನ್ನು ಅವರ ಸ್ನೇಹಿತ ಸಂಜೀವ್‌ ಮೋಹನ್‌ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಜೊತೆಗೆ “ಲವ್‌ ಯು ಫಾರೆವರ್‌’ ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್‌ಗೆ ಅಭಿಮಾನಿಗಳಿಂದ ನೂರಾರು ಶುಭಾಶಯ ಸಂದೇಶಗಳು ಬಂದಿವೆ.

ಸದ್ಯ ಚಿತ್ರರಂಗದಿಂದ ದೂರ ಉಳಿದಿರುವ ರಮ್ಯಾ ಕಳೆದ ವರ್ಷ ತೆರೆಕಂಡಿದ್ದ “ಹಾಸ್ಟೆಲ್‌ ಹುಡುಗರು ಬೇಕಾಗಿದ್ದಾರೆ’ ಚಿತ್ರದಲ್ಲಿ ಅತಿಥಿ ಪಾತ್ರ ನಿರ್ವಹಿಸಿದ್ದರು. ಅದಾದ ಬಳಿಕ ಯಾವುದೇ ಸಿನಿಮಾದಲ್ಲಿ ಅವರು ನಟಿಸಿಲ್ಲ