ವೇದಿಕೆ ಮೇಲೆ ಬಿಜೆಪಿ ಶಾಸಕ ಯತ್ನಾಳ, ಸಂಸದ ಜಿಗಜಿಣಗಿ ವಾಕ್ಸಮರ

ವಿಜಯಪುರ : ಶಿಸ್ತಿನ ಪಕ್ಷ ಬಿಜೆಪಿ ಶಾಸಕ-ಸಂಸದರು ಕೇಂದ್ರ ಸಚಿವರ ಎದುರೇ ವೇದಿಕೆ ಮೇಲೆ ವಾಕ್ಸಮರ ನಡೆಸಿದ ಘಟನೆ ಜರುಗಿತು.

ಮಂಗಳವಾರ ನಗರದಲ್ಲಿ ವಿಜಯಪುರ-ಯಶವಂತಪುರ ನೂತನ‌ ರೈಲು ಉದ್ಘಾಟನೆ  ವೇಳೆ ಕಾರ್ಯಕ್ರಮಕ್ಕೆ ಚಾಲನೆ  ರೈಲ್ವೇ ಸಚಿವ ಸುರೇಶ ಅಂಗಡಿ ಎದುರು ಸಂಸದ ರಮೇಶ ಜಿಗಜಿಣಗಿ ಹಾಗೂ ಶಾಸಕ ಬಸನಗೌಡ ಪಾಟೀಲ ಯತ್ನಾಳ ವಾಗ್ವಾದ ನಡೆಸಿದರು.

ಯಾವ ಕಾರಣಕ್ಕೆ ವಾಗ್ವಾದ ನಡೆಯಿತು ಎಂಬುದು ತಿಳಿದು ಬಂದಿಲ್ಲಾ.ಆದರೆ ಸಂಸದ ರಮೇಶ ಜಿಗಜಿಣಗಿ ಅವರನ್ನು ರೈಲ್ವೇ ಖಾತೆಯ ರಾಜ್ಯ ಸಚಿವ ಸುರೇಶ ಅಂಗಡಿ ಅವರು ಸಮಾಧಾನ ಪಡಿಸಿದರು.

ಬಾಗಲಕೋಟೆ ಶಾಸಕ ವೀರಣ್ಣ ಚರಂತಿಮಠ ಅವರು ಬಸನಗೌಡ ಪಾಟೀಲ್ ಯತ್ನಳ ಅವರನ್ನು ಸಮಾಧಾನ ಪಡಿಸಿದರು. ನಂತರ‌ ತಮ್ಮ ಮಾತಿನ ಸರದಿ ಬಂದಾಗ ಇಬ್ಬರೂ ನಾಯಕರು ಪರಸ್ಪರ ಕೋಪದಲ್ಲಿಯೇ ಮಾತನಾಡಿದರು.