Ramanagara: ಅಪ್ಪನ ಅಂತ್ಯ ಸಂಸ್ಕಾರಕ್ಕೆ ಮಗನಿಗಾಗಿ ಕಾಯುತ್ತಿರುವ ಕುಟುಂಬ

ರಾಮನಗರ: ಐದು ವರ್ಷದ ಹಿಂದೆ ಮನೆ ಬಿಟ್ಟು ಹೋಗಿರುವ ಮಗ ಅಪ್ಪನ ಅಂತ್ಯ ಸಂಸ್ಕಾರಕ್ಕಾದರೂ ಬರುತ್ತಾನೆ ಎಂದು ಕುಟುಂಬ ಕಾದು ಕುಳಿತಿರುವ ಘಟನೆ ತಾಲೂಕಿನ ಕೈಲಾಂಚ ಹೋಬಳಿ ಗುನ್ನೂರು ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಗವಿಸಿದ್ದಯ್ಯ ನಿನ್ನೆ ರಾತ್ರಿ ನಿಧನರಾಗಿದ್ದಾರೆ. ಆದರೆ ಅಂತಿಮ ಸಂಸ್ಕಾರ ನೆಡೆಸಲು ಕುಟುಂಬವು ಮಗನ ದಾರಿ ನೋಡುತ್ತಿದೆ.

ಇದನ್ನೂ ಓದಿ:ಕಾಣೆಯಾದ ಪತಿಯೆಂದು ಭಾವಿಸಿ ಬೀದಿಯಲ್ಲಿದ್ದ ವಿಶೇಷ ಚೇತನ ವ್ಯಕ್ತಿಯನ್ನು ಮನೆಗೆ ಕರೆತಂದ ಮಹಿಳೆ

ಗವಿಸಿದ್ದಯ್ಯ ಅವರ ಮಗ ಸುರೇಶ ಕಳೆದ ಐದು ವರ್ಷ ಹಿಂದೆಯೇ ಮನೆ ಬಿಟ್ಟು ಹೋಗಿದ್ದಾರೆ. ಸುರೇಶ್ ಇರುವ ಕುರಿತು ಮಾಹಿತಿಯೂ ಇಲ್ಲದೇ ಕುಟುಂಬ ಕಂಗಾಲಾಗಿದೆ. ತಂದೆಯ ಅಂತ್ಯಸಂಸ್ಕಾರಕ್ಕಾದರೂ ಮಗ ಬರಲಿ ಎಂದು ಕುಟುಂಬಸ್ಥರು ಅಳಲು ತೋಡಿಕೊಂಡಿದ್ದಾರೆ.